IPLIN
 

હંગામો / Video: હાથરસ જઇ રહેલા રાહુલ ગાંધી સાથે પોલીસની ધક્કા-મુક્કી, રોડ પર પટકાયા રાહુલ

Team VTV 04:28 PM, 01 Oct 20 | Updated: 04:45 PM, 01 Oct 20
Follow us
Congress leader rahul gandhi uttar pradesh police scuffle

રાહુલ ગાંધી અને પ્રિયંકા ગાંધી સાથે મોટી સંખ્યામાં કોંગ્રેસ નેતા હાથરસ જઇ રહ્યા હતા. રણદીપસિંહ સુરજેવાલા, રાજીવ શુક્લા અને ઉત્તરપ્રદેશ કોંગ્રેસ અધ્યક્ષ અજયસિંહ લલ્લૂ પણ તેમની સાથે હતા. આ દરમિયાન યમુના એક્સપ્રેસ-વે પર પોલીસ સાથે રાહુલ ગાંધીની ધક્કા-મુક્કી થઇ ગઇ જેમાં તેઓ જમીન પર ચત્તાપાટ પડ્યા હતા. જોકે આ અંગે રાહુલ ગાંધીએ કહ્યું કે, પોલીસે મને જવા દેવાને બદલે ધક્કો મારીને જમીન પર પાડી દીધો હતો.

  • હાથરસ જઈ રહેલા રાહુલ-પ્રિયંકાની ધરપકડ, કાર્યકરોમાં આક્રોશ
  • કોંગ્રેસના કાર્યકરો પર યુપી પોલીસે કર્યો લાઠીચાર્જ
  • પોલીસ સાથે રાહુલ ગાંધીની ધક્કા-મુક્કી થઇ ગઇ
  • રાહુલ ગાંધી જમીન પર પટકાયા

ઉત્તરપ્રદેશના હાથરસમાં નિર્ભયાકાંડ જેટલા જ ક્રૂર દુષ્કર્મ અને ત્યારબાદ હત્યાના કેસને લઈને દેશભરમાં આક્રોશ છે. દેશભરમાં યૂપીની નિર્ભયાને ન્યાય આપવાની માગ કરવામાં આવી રહી છે. એવામાં કોંગ્રેસના નેતા રાહુલ ગાંધી અને પ્રિયંકા ગાંધી પણ પીડિતાના પરિવારને આશ્વાસન આપવા માટે નિકળ્યા હતા. તેમણે હાથરસની પીડિતાના ઘરે જવા માટેનો પ્રયાસ કર્યો હતો.

રાહુલ ગાંધી જમીન પર પટકાયાજોકે, રસ્તાામં જ પોલીસે રાહુલ ગાંધી સાથે ઉદ્ધત વર્તન કર્યું અને તેમની ધરપકડ કરી લીધી હતી. રાહુલ ગાંધીની ધરપકડની સાથે કાર્યકરો પર લાઠી ચાર્જ પણ કર્યો હતો. પોલીસના લાઠીચાર્જના અનેક કોંગ્રેસના કાર્યકરો ઘાયલ થયા છે. આ દરમિયાન પોલીસે કરેલા બળપ્રયોગમાં રાહુલ ગાંધી પણ જમીન પર પટકાયા હતા. રાહુલ ગાંધી સાથે પોલીસના વર્તનને લઈને દેશભરમાં કોંગ્રેસના કાર્યકરોમાં રોષ જોવા મળી રહ્યો છે. કાર્યકરો વિરોધ કરી રહ્યા છે. 

પોલીસે મને જવા દેવાને બદલે ધક્કો મારીને જમીન પર પાડી: રાહુલ ગાંધી

આ અંગે રાહુલ ગાંધીએ પોલીસ પર આરોપ લગાવ્યો હતો કે, પોલીસે મને ધક્કો મારીને જમીન પર પાછાડ્યો હતો. મેં તેમને(પોલીસકર્મીઓ)ને કહ્યું હતું કે, તમે મને એકલાને જ હાથરસ જવા દો. કારણ કે એકલા વ્યક્તિ પર કલમ 144 લાગુ નથી પડતી. પરંતુ પોલીસે મને જવા દેવાને બદલે ધક્કો મારીને જમીન પર પાડી દીધો હતો.

રાહુલ ગાંધી-પ્રિયંકા ગાંધીની યુપી પોલીસે કરી ધરપકડ

આ દરમિયાન રાહુલ ગાંધીએ કહ્યું કે, પોલીસ મને કેવી રીતે અરેસ્ટ કરી શકે? પોલીસ મને કઈ કલમ હેઠળ અરેસ્ટ કરી શકે તે જણાવે? પોલીસ સાથે રાહુલ ગાંધીની ધક્કા મુક્કી થઈ હતી. પોલીસ સાથે ધક્કામુકી બાદ બંનેની ધરપકડ કરાઇ હતી. પીડિત પરિવારને મળવા હાથરસ જઈ રહેલા રાહુલ ગાંધીને અટકાવ્યા હતા. રાહુલ અને પ્રિયંકા ગાંધીને એક્સપ્રેસ-વે પર ગેસ્ટ હાઉસમાં પોલીસ લઇ ગઇ છે. 

rahul gandhi hathras હાથરસ રાહુલ ગાંધી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ