કોરોના વાયરસના રોગચાળા વચ્ચે કોંગ્રેસ પાર્ટી કેન્દ્રની નરેન્દ્ર મોદી સરકાર પર સતત પ્રહાર કરે છે. ગુરુવારે કોંગ્રેસ દ્વારા એક ઓનલાઇન અભિયાન ચલાવવામાં આવી રહ્યું છે. જેને સ્પીક અપ ઈન્ડિયા નામ આપવામાં આવ્યું છે. આ કાર્યક્રમ અંતર્ગત કોંગ્રેસ નેતા રાહુલ ગાંધીએ એક વીડિયો સંદેશ જાહેર કર્યો છે.
કોરોના સંકટની વચ્ચે કોંગ્રેસના ઓનલાઈન કેમ્પેઈન
રાહુલની માંગણી કે ગરીબોને આર્થિક મદદ કરે સરકાર
પ્રિયંકા ગાંધી વાડરા અને સોનિયા ગાંધીએ પણ સરકાર પાસે માંગ કરી
રાહુલ ગાંધીએ આ સંદેશમાં કહ્યું કે, 'કોવિડને કારણે આજે દેશમાં તોફાન છે. ગરીબ લોકો દુઃખી છે. મજૂરોએ ભૂખ્યા અને તરસ્યા માર્ગો પર ચાલવું પડે છે. નાના ઉદ્યોગો એ કરોડરજ્જુ છે. જે બંધ થઈ રહ્યા છે. આવી સ્થિતિમાં આજે ભારતના લોકોને લોનની જરૂર નથી, પરંતુ પૈસાની જરૂર છે.
રાહુલ ગાંધીએ કહ્યું કે, મુશ્કેલીના આ સમયમાં કોંગ્રેસ પાર્ટી આજે સરકાર પાસેથી આ ચાર માંગણીઓ કરે છે.
દર મહિને ગરીબ પરિવારના ખાતામાં 7500 રૂપિયા 6 મહિના માટે આપવા જોઈએ.
મનરેગા 100 દિવસની જગ્યાએ 200 દિવસ થવું જોઈએ.
નાના વેપારીઓ માટે એક પેકેજની જાહેરાત કરવામાં આવે
ઘરે પાછા ફરતી વખતે મજુરોને સુવિધાઓ આપવી જોઈએ.
રાહુલ ગાંધી ઉપરાંત પ્રિયંકા ગાંધી વાડ્રાએ પણ તેના ટ્વિટર હેન્ડલ પર આ પ્રકારનો વીડિયો મૂક્યો હતો. પ્રિયંકાએ કહ્યું કે આજે ગરીબ મજૂરો મુશ્કેલીમાં મુકાયા છે અને સરકાર તેમને મદદ કરી નથી. પ્રિયંકા ગાંધીએ સરકાર સમક્ષ ચાર માંગણીઓ પણ કરી હતી.
— Priyanka Gandhi Vadra (@priyankagandhi) May 28, 2020
મહત્ત્વની વાત એ છે કે કોંગ્રેસ દ્વારા આ ઓનલાઇન અભિયાનનું આયોજન કરવામાં આવી રહ્યું છે. જે અંતર્ગત દરેક નેતા સોશિયલ મીડિયા પર પોતાની માંગણી કરી રહ્યા છે. રાહુલ ગાંધી પહેલા કોંગ્રેસ અધ્યક્ષ સોનિયા ગાંધીએ એક વીડિયો સંદેશ પણ આપ્યો હતો. જેમાં તેમણે સરકારને મજુરો માટે તિજોરી ખોલવા જણાવ્યું હતું.
કોંગ્રેસ અધ્યક્ષ સોનિયા ગાંધીએ પોતાના વીડિયો સંદેશમાં કહ્યું હતું કે, "બે મહિનાથી આખો દેશ કોરોના વાયરસને કારણે ગંભીર આર્થિક સંકટમાંથી પસાર થઈ રહ્યો છે. આઝાદી પછી પ્રથમ વખત દરેક વ્યક્તિએ આ દર્દ જોયું કે લાખો મજૂરોને હજારો કિલોમીટર પગથી ભૂખ્યા અને તરસ્યા ચાલીને ઘરે જવાની મજબૂર થયા છે. તેમનું દુઃખ કદાચ આખા દેશો જોયું અને સાંભળ્યું પણ કદાચ સરકારે તે ન સાંભળ્યું.
ઉલ્લેખનીય છે કે આ પહેલા પણ રાહુલ ગાંધી કોરોના વાયરસ સંકટની વચ્ચે સતત ઓનલાઇન આવતા રહ્યા છે. તેમજ મીડિયાની સાથે વાત પણ કરે છે.