કોંગ્રેસ નેતા રાહુલ ગાંધીએ શાનમાં ને શાનમાં મોદી સરકાર પર કટાક્ષ કર્યો. રાહુલે ટ્વિટર પર સવાલ કર્યો કે દુનિયાના મોટાભાગના તાનાશાહના નામ અંગ્રેજી એમ પરથી શા માટે શરુ થાય છે.
ખાનગીકરણ મુઠ્ઠીભર અમીરોને ફાયદો કરાવશે. સરકારે તેના લોકોના હાથમાં પૈસા મૂકવાની જરૃર છે
ચીને આપણી સરહદમાં ઘુસીને જમીન છીનવી લીધી, સરકારે શું કર્યું
રાહુલે ટ્વિટ કરીને જણાવ્યું કે કેમ દુનિયાના મોટાભાગના તાનાશાહના નામ અંગ્રેજી એમ અક્ષર પરથી શરુ થાય છે. માર્કોસ, મુસોલિની, મિલોસેવિક, મુબારક, મુશરફ, મિકોમ્બેરો વગેરે.
રાહુલ ગાંધીએ જણાવ્યું કે ચીન ભારતીય સરહદમાં દાખલ થઈને આપણી જમીન છીનવી લે છે. તમે તેમને શું સંદેશ આપ્યો ? એજ કે અમે અમારુ સંરક્ષણ બજેટ વધારવાના નથી. તમે સંરક્ષણ બજેટમાં 3000 થી 4000 કરોડનો વધારો કર્યો. તમે શું સંદેશ આપ્યો. એ જ કે તમે ભારતમાં દાખલ થઈ શકો છો અને તમારે જે કરવુ હોય તે કરી શકો છો.
બજેટમાં ફક્ત 1 ટકા વસતીને ટેકો અપાયો
મને આશા હતી કે સરકાર બજેટમાં 99 ટકા ભારતીય વસતીને ટેકો પૂરો પાડશે પરંતુ આ બજેટ તો ફક્ત 1 ટકા વસતીને ટેકો પુરો પાડનારુ છે. તમે નાના અને મધ્યમ ઉદ્યોગ, કામદારો, ખેડૂતો અને દળો પાસેથી પૈસા લઈને ફક્ત 5-10 લોકોના ખિસ્સા મૂકી દીધા છે.
રાહુલે આગળ જણાવ્યું કે તમે ખાનગીકરણની વાતો કરો છો. ખાનગીકરણ મુઠ્ઠીભર અમીરોને ફાયદો કરાવશે. સરકારે તેના લોકોના હાથમાં પૈસા મૂકવાની જરૃર છે, કારણ કે જો તમે ઈકોનોમીને પાટે ચડાવવા માગતા હોવ તો તે ફક્ત ઉપભોગ દ્વારા જ થઈ શકે છે.