અમરેલી: દેશભરમાં નવરાત્રીની રંગેચંગે ઉજવણી થઈ રહી છે. ખેલૈયાઓ અવનવા સ્ટેપ રજૂ કરી ગરબે જુમી રહ્યા છે. ત્યારે નવરાત્રીના આ પર્વમાં વિપક્ષના નેતા ગરબે ઝુમતા નજરે પડ્યા છે. અમરેલીમાં ઘર આંગણે ગરબાની રમઝટના દ્રશ્યો હાલ સામે આવ્યા છે.
ઉલ્લેખનીય છે કે જગદંબાની આરાધનાનું પર્વ નવરાત્રી રંગેચંગે ઉજવાઈ રહી છે ત્યારે ઠેર-ઠેર ગરબાના આયોજનો કરવામાં આવ્યા છે. આવા જ એક ગરબાનું આયોજન અમરેલી ખાતે કરવામાં આવ્યું હતું જેમાં કોંગ્રેસના દિગ્ગજ નેતા પરેશ ધાનાણી પર પહોંચ્યા હતા.
વિપક્ષી નેતા અને કોંગ્રેસના પીઢ નેતા પરેશ ધાનાણી તેમના મિત્ર સાથે મન મુકીને નાચ્યા હતા. આ ઘટનાના દ્રશ્યો કચકડે કેદ થયા હતા અને જાહેર માધ્યમો પર ફરતા પણ થયાં હતા. આપને જણાવી દઇએ કે વિપક્ષી નેતાની આ પ્રકારની જિંદાદિલી પહેલા પણ સામે આવી છે જેમાં તેઓએ પોતાના મિત્ર સાથે મન મુકીને ગરબા ગાયા હતા.