અમરેલી: આજના સોશિયલ મીડીયામાં વિપક્ષ નેતા પરેશ ધાનાણીનો હેલ્મેટ વગર બુલેટ ચલાવતો વીડિયો ખુબ જ ધૂમ મચાવી રહ્યો છે. ધાનાણીનો હેલ્મેટ વગર બુલેટ ચલાવતો વીડિયો વાયરલ થયો છે. જયાં પરેશ ધાનાણીએ હેલ્મેટ વીના બાઈક સવારી હતી. હેલ્મેટ વિના બાઈક સવારી કરતા પરેશ ધાનાણીની સોશિયલ મીડિયામાં બહુ ટીકા થઈ હતી. બુલેટ ચલાવતો વીડિયો વડિયા તાલુકાના હનુમાન ખીજડીયા ગામનો છે..
ઉલ્લેનીય છે કે સમઢીયાળા રોડને ખુલ્લો મુકતા પરેશ ધાનાણીએ હેલ્મેટ વિના બાઈક સવારી હતી. આપને જણાવી દઇએ કે પ્રધાનમંત્રી મોદી જ્યારે અમરેલીની મુલાકાતે હતા ત્યારે પરેશ ધાનાણી સહિતના કોંગ્રેસના કાર્યકરોએ હેલ્મેટ પહેરી રેલી યોજી હતી.
આ કાર્યક્રમ સંદર્ભે એક દિવસ અગાઉ કોંગ્રેસ દ્વારા આજના દિવસે લોકોને હેલ્મેટ પહેરીને બહાર નીકળવાની સલાહ આપી હતી. ત્યારે આજે તમે બીજા વીડીઓમાં જોઈ શકો છો કે પરેશ ધાનાણી હેલ્મેટ વિના બુલેટ સવારી કરતા જોવા મળ્યા હતા. એક તરફ લોકોને હેલ્મેટ પહેરવાની સલાહ આપે છે અને બીજી તરફ ખુદ પોતે ખુલ્લેઆમ હેલ્મેટ વિના બુલેટ સવારી કરતા જોવા મળ્યા હતા.