રાજનીતિ / જ્યોતિરાદિત્ય સિંધિયા ભગવો ખેસ ધારણ કરી બનશે મોદી સરકારમાં મંત્રી અથવા MPના બનશે...

• મહારાષ્ટ્ર સરકારમાં ઉથલપાથલ
• સંકટમાં કમલનાથ સરકાર!
• કમલનાથ સરકાર પર કોણે લગાવ્યું ગ્રહણ?

જ્યોતિરાદિત્ય સિંધિયાએ કોંગ્રેસમાંથી રાજીનામું આપ્યું છે. PM મોદી સાથે જ્યોતિરાદિત્ય સિંધિયાની બેઠક પૂર્ણ થઈ ગઈ છે. કોંગ્રેસના તમામ હોદ્દા પરથી સિંધિયાએ રાજીનામું આપ્યું છે.  આજે સાંજે ભાજપમાં જોડાઈ શકે છે સિંધિયા. આવતીકાલે રાજ્યસભા માટે ભોપાલથી  ઉમેદવારી ફોર્મ ભરશે. 

મધ્ય પ્રદેશના રાજકારણમાં મોટી ઉથલપાથલ જોવા મળી રહી છે. મળતી માહિતી મુજબ કોંગ્રેસના મોટા નેતા જ્યોતિરાદિત્ય સિંધિયા ભાજપમાં જોડાશે. તેઓએ પીએમ મોદી અને અમિત શાહ સાથે મુલાકાત કરી છે. અને આજે જ સિંધિયા ભાજપમાં સામેલ થાય તેવી શક્યતા છે. ત્યારે ફરી એકવાર કમલનાથ સરકાર પર સંકટ છે. સિંધિયાએ પીએમ મોદી અને અમિત શાહ સાથે બેઠક પણ કરી છે . અને તેમને સરકારમાં કેબિનેટ મંત્રી અથવા તો ડેપ્યુટી સીએમ પદ મળી શકે છે.

જ્યોતિરાદિત્ય સિંધિયા સમર્થક 20 જેટલા ધારાસભ્યો બેંગાલુરુ પહોંચી ગયા

મધ્ય પ્રદેશમાં ફરી એકવખત રાજકીય સંકટ જોવા મળી રહ્યું છે. કોંગ્રેસના નેતા જ્યોતિરાદિત્ય સિંધિયા સમર્થક 20 જેટલા ધારાસભ્યો બેંગાલુરુ પહોંચી ગયા છે. અને મળતી માહિતી મુજબ જે ધારાસભ્યો બેંગાલુરુ પહોંચ્યા છે તેમાંથી 6 મધ્ય પ્રદેશ સરકારના મંત્રી પણ છે. જ્યોતિરાદિત્ય સિંધિયાની બળવાખોરીને લઇ કોંગ્રેસની કમલનાથ સરકાર સંકટમાં છે. 

અગાઉ સોમવારે 20 મંત્રીઓના રાજીનામા લીધા

સિંધિયા અને તેમના 17 ધારાસભ્યોના દમ પર ભાજપે મધ્ય પ્રદેશમાં કમલનાખની વિદાઇની સ્ક્રિપ્ટ લખી નાખી છે. ત્યારે આ ઘટનાક્રમથી મુખ્યમંત્રી કમલનાથની ઉંઘ ઉડી ગઇ છે. અગાઉ સોમવારે 20 મંત્રીઓના રાજીનામા લીધા અને નવી કેબિનેટનું ગઠન કરવાનો નિર્ણય લેવાયો છે. અને નારાજ ધારાસભ્યોને મનાવવાની કોશિશ કરવામાં આવી રહી છે. ત્યારે મધ્યપ્રદેશના રાજકીય સંકટ વચ્ચે સિંધિયાનું મૌન છે. 

કોંગ્રેસને જાણ જ નથી?

જ્યોતિરાદિત્ય સિંધિયા સમગ્ર ઘટનાક્રમ મુદ્દે મૌન છે અને તેમના મૌનથી સંકટ વધુ ઘેરાયું છે. જ્યોતિરાદિત્ય સિંધિયાના નિર્ણય પર હવે સરકારનું ભવિષ્ય છે. સિંધિયાના સમર્થનમાં વધુ ધારાસભ્ય આવી શકે છે. ત્યારે જ્યોતિરાદિત્ય સિંધિયાનો સંપર્ક ન થયો હોવાનો કોંગ્રેસ દાવો કરી રહી છે.

સિંધિયા પરિવાર અને ભાજપનું કનેક્શન શું? 

• ગ્વાલિયર પર રાજ કરનારા વિજયારાજે સિંધિયા જ્યોતિરાદિત્ય સિંધિયાના દાદી હતા
• રાજમાતા વિજયારાજે સિંધિયાએ 1957માં કોંગ્રેસથી રાજનીતિ શરૂ કરી
• વિજયારાજે ગુના લોકસભા સીટથી સાંસદ બન્યા
• 10 વર્ષ બાદ 1967માં વિજયારાજે જનસંઘમાં જોડાઇ ગયા
• વિજયારાજેના કારણે ગ્વાલિયરમાં જનસંઘ મજબૂત થયું
• 1971માં ઇન્દિરા ગાંધીની લહેર બાદ પણ જનસંઘે 3 સીટ જીતી
• વિજયારાજે સિંધિયા ભિંડથી ,અટલ બિહાર વાજપેયી ગ્વાલિયરથી જીત્યા હતા
• જ્યોતિરાદિત્ય સિંધિયાના પિતા માધવરાવ સિંધિયા ગુનાથી સાંસદ બનયા
• માધવરાવ સિંધિયાએ 1977 ઇમરજન્સી બાદ જનસંઘથી અલગ થઇ ગયા
• 1980માં સિંધિયાએ કોંગ્રેસની ટિકિટ પર ચૂંટણી લડી અને કેન્દ્રીય મંત્રી બન્યા
• જ્યોતિરાદિત્યએ પોતાના પિતાની વિરાસતને સંભાળી અને કોંગ્રેસમાં જોડાયા
• 2002માં પહેલી જીત બાદ જ્યોતિરાદિત્ય સિંધિયા 2019માં પ્રથમ વખત લોકસભામાં હાર્યા
• મધ્યપ્રદેશમાં ચૂંટણીમાં ભાજપને માત આપી કોંગ્રેસે સરકાર બનાવી
• જ્યોતિરાદિત્ય સિંધિયાને સીએમ પદ માટે દાવેદાર માનવામાં આવતા હતા
• સીએમ પદને લઇને ઘણી ખેંચતાણ પણ થઇ હતી
• વિજયારાજે સિંધિયા ઇચ્છતા હતા કે તેમનો પૂરો પરિવાર ભાજપમાં જોડાઇ જાય

શું પિતાના પગલે ચાલશે સિંધિયા? 

• જ્યોતિરાદિત્ય સિંધિયા કોંગ્રેસથી નારાજ છે
• સિંધિયાને રાજ્યસભામાં મોકલવાની ભાજપની ચાલ 
• મધ્યપ્રદેશમાં સત્તા પણ મળે 
• સિંધિયા જેવો યુવા ચહેરો પણ મળે 
• ભાજપમાં ન જોડાય તો પણ સિંધિયા પાસે તક 
• અપક્ષથી પણ રાજ્યસભામાં મોકલી શકે છે ભાજપ
• મોદી સરકારમાં સામેલ થવાની મળી શકે છે તક 
• આજે માધવરાવસિંધિયાની 75મી જન્મજયંતિ 
• ચર્ચા એવી પણ છે કે જ્યોતિરાદિત્ય સિંધિયા આજે જ એલાન કરશે

સિંધિયા જશે તો કોંગ્રેસને શું નુકશાન ?

• સિંધિયા મધ્ય પ્રદેશમાં કોંગ્રેસનો યુવા ચહેરો છે 
• સિંધિયા જો ભાજપમાં જાય તો કોંગ્રેસને મોટું નુકશાન થઇ શકે 
• જ્યોતિરાદિત્યા સિંધિયા પિતા માધવરાવ સિંધિયા મોટા નેતા હતા
• ઉત્તરી મધ્ય પ્રદેશ પર સિંધિયા પરીવારનો દબદબો છે 
• હાલમાં સિંધિયા પાસે 20થી વધારે ધારાસભ્યો 
• જો સિંધિયા ભાજપમાં જાય તો કોંગ્રેસની સરકાર ગબડી પડે 
• એમપીમાં 15 વર્ષ બાદ કોંગ્રેસની સરકાર આવી છે