ચૂંટણી / જામનગરમાં આ દિગ્ગજે કર્યો પક્ષપલટો, ભાજપમાં જોડાયા

લોકસભા પૂર્વે જામનગર કોંગ્રેસમાં ભાજપે ગાબડું પાડ્યું છે. જામનગર શહેર કોંગ્રેસ પ્રમુખ ભાજપમાં જોડાયા છે. શહેર કોંગ્રેસ પ્રમુખ ગિરીશ અમેથીયા સહિતના કાર્યકરો ભાજપમાં જોડાયા છે. ભાજપના વિજય વિશ્વાસ સંમેલનમાં કોંગ્રેસના સભ્યો ભાજપમાં જોડાયા છે. ગિરીશ અમેથીયાએ જામનગર ગ્રામ્ય બેઠક માટે દાવેદારી નોંધાવી હતી. પરંતુ કોંગ્રેસે ટિકિટ ન આપતા ગિરીશ અમેથીયા ભાજપમાં જોડાયા છે.
કોંગ્રેસ પ્રમુખ સહિત 9 સભ્યોએ કેસરિયો ખેસ ધારણ કર્યો હતો
તાલુકા પંચાયતના કોંગ્રેસ પ્રમુખ સહિતના સભ્યો ભાજપમાં જોડાયા હતા. કોંગ્રેસ પ્રમુખ સહિત 9 સભ્યોએ કેસરિયો ખેસ ધારણ કર્યો હતો. ધ્રોલ ખાતેના ભાજપ કાર્યાલયના ઉદ્ઘાટનમાં ભાજપનો ખેસ પહેર્યો હતો.