મની લોન્ડ્રિંગ કેસ / આવકથી વધારે સંપત્તિનો કેસઃ ED સામે આજે રજૂ થઈ શકે છે કોંગ્રેસ નેતા ડીકે શિવકુમાર

આવકથી વધારે સંપત્તિના કેસમાં કર્ણાટકના નેતા ડીકે. શિવકુમારને શુક્રવારે ઈડીની સામે રજૂ કરવામાં આવી શકે છે. તેના માટે શિવકુમાર દિલ્હી આવી શકે છે. કર્ણાટક હાઈકોર્ટે આ માટેની તેમની અરજીને નકારી છે. પરંતુ અરજીમાં શિવકુમારની સામે ઈડીના સમનને નિરસ્ત કરવાની માંગ કરવામાં આવી છે. અરજી નકારી દેવાયા બાદ શિવકુમારને ઈડીની સામે રજૂ કરવામાં આવશે. 

કર્ણાટકમાં ડીકે શિવકુમારની વિરુદ્ધમાં આવકથી વધારે સંપત્તિનો કેસ ચાલી રહ્યો છે. 2017માં આયકર વિભાગે ડીકે. શિવકુમારના 64 સ્થાનો પર રેડ પાડી હતી. તે સમયે ડીકે શિવકુમાર અને અન્ય કોંગ્રેસ નેતાઓએ રાજનીતિમાં બદલાની ભાવનાથી કાર્યવાહી કરવામાં આવ્યાનો આરોપ લગાવ્યો હતો.

ઉલ્લેખનીય છે કે મની લોન્ડ્રિંગ કેસમાં ઈડીએ શિવકુમારની વિરુદ્ધમાં સમન્સ જાહેર કર્યા છે અને સાથે તેમની વિરુધ્ધમાં શિવકુમારે કર્ણાટક હાઈકોર્ટમાં અરજી દાખલ કરી છે. ગુરુવારે આ કેસ પર સુનાવણી બાદ કોર્ટે શિવકુમારને કોઈ રાહત આપી નથી. અને સાથે જ ઈડી દ્વારા આપવામા આવેલા સમન્સને પણ નકારવાની અરજીને નકારી છે.