VIDEO / રાહુલની ભારત જોડો યાત્રામાં ચા પીવા કાર્યકરોએ કરી ધક્કામુક્કી, ધડામ કરતા પડ્યાં દિગ્વીજય

• મધ્યપ્રદેશમાં ભારત જોડા યાત્રામાં નજીવી દુર્ઘટના 
• ખંડવામાં ટી બ્રેક વખતે કાર્યકરોમાં થઈ ધક્કામુક્કી 
• દિગ્ગજ નેતા  દિગ્વિજય સિંહ ધડામ દઈને પડ્યાં 

મધ્ય પ્રદેશમાં રાહુલ ગાંધીની ભારત જોડો યાત્રાનો આજે ચોથો દિવસ છે, આ અંતર્ગત શનિવારે સવારે 6 વાગ્યે ખંડવાના મોરટક્કાથી યાત્રા શરૂ થઈ હતી, જે સવારે લગભગ 7 વાગ્યે બરવાહ પહોંચી હતી, આ દરમિયાન ટી બ્રેક વખતે કાર્યકરોમાં ધક્કામુક્કી થઈ હતી અને તેમાં સિનિયર નેતા દિગ્વિજય સિંહ ધડામ થઈને નીચે પડી ગયા હતો જોકે કાર્યકરો અને સુરક્ષાકર્મીઓએ તેમને બેઠા કર્યાં હતા. 

#भारत_जोड़ो_यात्रा के यात्रा के दौरान धक्का-मुक्की, दिग्विजय सिंह गिरे, लोगों ने उठाया.#MadhyaPradesh #DigVijaySingh #BharatJodaYatra #Video pic.twitter.com/R5ZMAZ2hgi

— Ashish Mishra (@AshishMisraRBL) November 26, 2022

ટી-બ્રેક વખતે થઈ દુર્ઘટના 

બરવાહથી લગભગ 4 કિમી આગળ ગયા બાદ ચોર બાવરી પાસેની એક હોટલમાં રાહુલ ગાંધીની યાત્રા ચા વિરામ માટે રોકાઈ હતી, આ દરમિયાન કાર્યકર્તાઓ વચ્ચે ધક્કામુક્તી થઈ હતી જેમાં દિગ્વિજય સિંહ અડફેટે ચડી ગયા હતા અને તેઓ ધડામ દઈને નીચે પડ્યાં હતા. આ દરમિયાન ઘણા કાર્યકરોએ તેમની ઉપર પડ્યાં હતા અને થોડા સમય પૂરતી અફરાતફરી મચી હતી. જોકે કાર્યકરોએ તત્કાળ તેમને બેઠા કરી દીધા હતા. આ ઘટનામાં દિગ્વીજય સિંહને થોડું વાગ્યું છે પરંતુ ગંભીર નથી. 

એમપીમાં પ્રિયંકા ગાંધી વાડ્રા, રોબર્ટ વાડ્રા રાહુલ સાથે જોડાયા 
કોંગ્રેસ સાંસદ રાહુલ ગાંધીએ આજે ખંડવાના મોર્તક્કા ગામથી પાર્ટીની ભારત જોડો યાત્રાની શરૂઆત કરી હતી, તેમના કોંગ્રેસ નેતા પ્રિયંકા ગાંધી વાડ્રા, રોબર્ટ વાડ્રા અને પાર્ટીના અન્ય નેતાઓ, સમર્થકો પણ હાજર છે. આ સાથે જ છત્તીસગઢના મુખ્યમંત્રી ભૂપેશ બઘેલ પણ આજે ખરગોનની ઉમરિયા ચોકીથી ભારત જોડો યાત્રામાં સામેલ થયા હતા.