દુ:ખ / AUDIO : રડતા રડતા કાર્યકર્તાએ કહ્યુ મારે કંઈ જોઈતુ નથી, હું કોંગ્રેસનો સિપાહી છું અને રહીશ...પણ તમે તો..

• કોંગ્રેસ કાર્યકર્તા અને નેતાની ઓડિયો ક્લીપ
• ચૂંટણીમાં થયેલા પરાજય પર બોલ્યાં કાર્યકર્તા 
• પૂર્વ કાઉન્સિલર ગણપત પરમારે ઠાલવ્યો રોષ

સ્થાનિક સ્વરાજ્યની ચૂંટણીમાં કોંગ્રેસની કારમી હાર થઈ છે. ત્યારે કેટલાક કાર્યકરો પાર્ટીના વર્તનથી તો કેટલાક આગેવાનોની હરકતોથી નારાજ હોવાનું સામે આવી રહ્યું છે. સ્થાનિક સ્વરાજ્યમાં હાર બાદ તુરંત જ વિપક્ષના નેતા તરીકે પરેશ ધાનાણીએ અને કોંગ્રેસ પ્રદેશ પ્રમુખ તરીકે અમિત ચાવડાએ રાજીનામું આપી દીધુ હતુ પરંતુ તેમ છતાં અસંતોષ જોવા મળ્યો હતો. 

કોંગ્રેસ કાર્યકર્તા અને નેતાની ઓડિયો ક્લીપ

કોંગ્રેસના કાર્યકર્તા અને નેતાની વધુ એક ઓડિયો ક્લીપ વાયરલ થઇ છે. ચૂંટણીમાં થયેલા પરાજય પર કાર્યકર્તા બોલી રહ્યાં છે. પૂર્વ કાઉન્સિલર ગણપત પરમાર અને દીપક બાબરિયાની ઓડિયો ક્લીપ હાલ વાયરલ થઇ રહી છે.

પૂર્વ કાઉન્સિલર ગણપત પરમારે ઠાલવ્યો રોષ

પૂર્વ કાઉન્સિલર ગણપત પરમારે રોષ ઠાલવતા કહ્યું કે નેતાઓના કારણે કોંગ્રેસ ચૂંટણી હારી છે. દુખના લાગણી વ્યક્ત કરતા કાર્યકર્તા ભાવુક થઇ ગયા હતા. તો સિનિયર નેતા દીપક બાબરિયાએ કાર્યકર્તાને સમજાવા પ્રયાસ કર્યો હતો.

શું છે મામલો જુઓ