આરોપ / મોઢવાડિયા દિલ્હીના કોંગ્રેસના નેતાઓ પર એવાં બગડ્યાં કે રાહુલ-સોનિયા ગાંધીની ઊંઘ ઉડી જશે

• રાષ્ટ્રીય કોંગ્રેસના નેતાઓથી નારાજ મોઢવાડિયા
• દિલ્હીમાં કેટલાક બની બેઠેલા નેતાઓ છે
• રાજ્ય કે જિલ્લામાં જેમની કોઇ પકડ નથી

અર્જુન મોઢવાડિયાએ ટ્વીટ કરીને આરોપ લગાવ્યા છે કે, દિલ્હીમાં કેટલાક બની બેઠેલા નેતાઓ છે. રાજ્ય કે જિલ્લામાં જેમની કોઇ પકડ નથી તેઓ દિલ્હીમાં બેઠા છે. રાજ્યના સિનિયર નેતાઓને ક્યારેક મળે છે. હાર બાદ ઉંચા પદ પર બેસીને અખિલભારતીય કોંગ્રેસ સમિતિને મીડિયા થકી સલાહ આપે છે! પક્ષ આવા નેતાઓને પહેલાં કાર્યકર્તા તરીકે કામ કરાવે. મોઢવાડિયાના આ ટ્વિટ બાદ ગુજરાત અને દિલ્હીના રાજકારણમાં ચર્ચાઓ શરૂ થઇ ગઇ છે.

Some of our “learned leaders"
- who live in Delhi
- no roots in state/district/village
- leave alone workers, rarely available to senior state leaders
- seated on high chair advise @INCIndia in every defeat thru media

May party compel them to practice
as workers for months?

— Arjun Modhwadia (@arjunmodhwadia) February 13, 2020

ત્યારે અનેક સવાલો થાય છે કે, મોઢવાડિયાનો કોના તરફ ઈશારો કરી રહ્યા છે? દિલ્હીમાં બેઠેલા ક્યાં નેતાની કરી નિંદા? કોણ છે બની બેઠેલા નેતા?

મહત્વનું છે કે અર્જુન મોઢવાડીયાને છેલ્લા કેટલાક વર્ષોથી કોઈ મોટી જવાબદારી સોંપવામાં નથી આવી. તેઓને સાઈડલાઇન કરાતા હોવાનું અનુભવાતા આ પ્રકારનું ટ્વિટ કરીને તેમના પ્રતિસ્પર્ધી જેમને હાલમાં જ દિલ્હીમાં જવાબદારી સોંપવામાં આવી છે તેવા પ્રદેશના જ નેતા સામે આરોપ લગાવ્યા હોવાનું અનુમાન લગાવાય રહ્યું છે.