કોંગર્સેના વરિષ્ઠ નેતા આનંદ શર્માએ કહ્યું કે પીએમ નરેન્દ્ર મોદીએ અન્ય દેશની ચૂંટણીમાં હસ્તક્ષેપ કરીને ભારતીય વિદેશ નીતિનું ઉલ્લંઘન કર્યું છે. તેઓએ કહ્યું કે તમે અમેરિકામાં અમારા પ્રધાનમંત્રી છો, ચૂંટણી પ્રચારક નહીં.
હાઉડી મોદીમાં ઉમળકાભેર મળ્યા મોદી અને ટ્રંપ
અબકી બાર, ટ્રંપ સરકારઃ પીએમ મોદી
PMએ ભારતીય વિદેશ નીતિનું કર્યું ઉલ્લંઘનઃ આનંદ શર્મા
પીએમએ કર્યું ભારતીય વિદેશ નીતિનું કર્યું ઉલ્લંઘન
અમેરિકામાં આયોજિત પીએમ મોદીના હાઉડી મોદી કાર્યક્રમને કોંગ્રેસે વિદેશ નીતિનું ઉલ્લંઘન ગણાવ્યું છે. કોંગ્રેસના વરિષ્ઠ નેતા આનંદ શર્માએ ટ્વિટ કરીને પીએમ મોદીને નિશાન બનાવ્યા છે. આનંદ શર્માએ કહ્યું કે પીએમએ અન્ય દેશની ચૂંટણીમાં હસ્તક્ષેપ કરીને ભારતીય વિદેશ નીતિનું ઉલ્લંઘન કર્યું છે.
Reminding you that you are in the USA as our Prime Minister and not a star campaigner in US elections.
આનંદ શર્માએ કહ્યું કે તમે અમેરિકામાં અમારા પ્રધાનમંત્રી છો, ચૂંટણી પ્રચારક નહીં. સંયુક્ત રાજ્ય અમેરિકાની સાથે અમારા સંબંધ દ્વિદલીય અને ડેમોક્રેટ છે. ટ્રંપ માટે પીએમ મોદીનું ચૂંટણી અભિયાન ભારત અને અમેરિકા બંને રાષ્ટ્રો માટે લોકતંત્રનું ઉલ્લંઘન છે. ઉલ્લેખનીય છે કે પીએમ મોદીએ રવિવારે હાઉડી મોદી કાર્યક્રમમાં પોતાના સંબોધનમાં અમેરિકાના રાષ્ટ્રપતિ ડોનાલ્ડ ટ્રંપની તાકાત વધારી હતી. લોકસભાની ચૂંટણી સમયે બીજેપીના લોકપ્રિય સ્લોગન અબકી બાર, મોદી સરકારને બદલે અબકી બાર, ટ્રંપ સરકાર એમ કહ્યું હતું.
પીએમ મોદીએ અમેરિકાના રાષ્ટ્રપતિ ડોનાલ્ડ ટ્રંપના કર્યા વખાણ
આ સમયે પીએમ મોદીએ કહ્યું કે મંચ પર તેમની હાજરી બંને દેશોની વચ્ચેની મજબૂતાઈનો સંકેત આપે છે. પીએમ મોદીએ કહ્યું કે આજે અમારી સાથે એક ખાસ વ્યક્તિ છે જેમને વિશે કંઈ કહેવાની જરૂર નથી. તેઓએ ટ્રંપના વખાણ કર્યા અને સાથે કહ્યું કે તેમના નામથી જ લોકો તેમને ઓળખે છે. વૈશ્વિક રાજનીતિમાં તેમના નામની ચર્ચા રહે છે અને તેમના દરેક શબ્દોને લાખો લોકો સાંભળે છે. પીએમએ કહ્યું સીઈઓથી લઈને કમાન્ડર ઈન ચીફ, સ્ટુડિયોથી લઈને વૈશ્વિક મંચ સુધી રાજનીતિથી લઈને અર્થવ્યવસ્થા અને સુરક્ષા દરેક જગ્યાએ તેઓએ પોતાની ખાસ છાપ મૂકી છે.