કર્ણાટક / કોંગ્રેસનાં વરિષ્ઠ નેતા સિદ્ધારમૈયાનો પારો આસમાને, ખુલ્લેઆમ કાર્યકર્તાને ઝીંક્યો લાફો

જો કે, આ વીડિયો વાયરલ થતા જ સિદ્ધારમૈયાએ (siddaramaiah) સફાઇ આપતા જણાવ્યું કે, તેમની સાથે ચાલી રહેલ આ શખ્સ તેમના ના કહેવા પર પણ વારંવાર તેમનાં કાનમાં ફોન લગાવીને કોઇની સાથે વાતચીત કરવા માટેનું કહે છે. આ જ વાતને લઇ ગુસ્સો આવ્યો છે.

#WATCH: Congress leader and Karnataka's former Chief Minister Siddaramaiah slaps his aide outside Mysuru Airport. pic.twitter.com/hhC0t5vm8Q

— ANI (@ANI) September 4, 2019

ઉલ્લેખનીય છે કે સિદ્ધારમૈયાએ આ પ્રકારની કોઇ આ પહેલી ઘટના નથી. થોડાંક સમય પહેલાં જ તેઓ પાર્ટીની એક મહિલા કાર્યકર્તા સાથે પણ ખરાબ વર્તન કરતા કેમેરામાં કેદ થયા હતાં. તે દરમ્યાન મહિલા સ્થાનીય ધારાસભ્યની ફરિયાદ લઇને તેમની પાસે આવી હતી.

પીડિત મહિલા તેમની પાસેથી જવાબ ઇચ્છતી હતી. આ દરમ્યાન સિદ્ધારમૈયા એટલાં ગુસ્સે થયા હતાં કે તેઓએ મહિલાનાં હાથમાંથી માઇક છીનવાની સાથે-સાથે તેમનો દુપટ્ટો પણ ખેંચી લીધો હતો. બાદમાં સિદ્ધારમૈયાએ એક નિવેદન રજૂ કરીને કહ્યું હતું કે, તે માત્ર મહિલાને સતત બોલવાથી રોકવા ઇચ્છતા હતાં. તેઓએ મહિલાને પોતાની બહેનની જેમ ગણાવી હતી.