મહારાષ્ટ્રમાં સરકાર બનાવવાને લઇને ખેંચતાણ વચ્ચે કોંગ્રેસ નેતા કપિલ સિબ્બલે ગૃહમંત્રી અમિત શાહને ઘેર્યા છે. કપિલ સિબ્બલે ગૃહ મંત્રી પર પલટવાર કરતા કહ્યું કે તેમણે પાર્ટી તોડવા અને જોડવામાં ઘણા અનુભવી છે. કપિલ સિબ્બલે આ નિવેદન અમિત શાહને જવાબ આપતા કહ્યું છે.
કપિલ સિબ્બલનો ગૃહ મંત્રી પર પલટવાર, કહ્યું કે ભાજપ તોડવા અને જોડવામાં અનુભવી
વિપક્ષને સરકાર બનાવવાની પૂર્ણ તક આપવામાં આવી હતી: અમિત શાહ
આ પહેલા અમિત શાહે બુધવારે સિબ્બલ પર હુમલો બોલતા કહ્યું હતું કે તેમના જેવા વકીલ સરકાર ન બનાવી શકવાને કારણે આ પ્રકારની વાત કરે છે. નોંધનીય છે કે, મહારાષ્ટ્ર્રમાં કોઇપણ મોટી પાર્ટી દ્વારા બહુમતી સાબિત ન કરી શકવાને કારણે રાષ્ટ્રપતિ શાસન લાગૂ કરાયું છે.
સિબ્બલે શું કહ્યું
કોંગ્રેસ નેતા કપિલ સિબ્બલે કહ્યું, અમિત શાહને આ મામલે ઘણો અનુભવ છે. તેઓ જાણે છે કે રાજનૈતિક પાર્ટીને કેવી રીતે તોડવા અને જોડવામાં આવે. અમે તેની ઝલક ઘણા રાજ્યોમાં જોઇ છે. પછી તે ગોવા હોય અથવા કર્ણાટક. નોંધનીય છે કે રાજ્યમાં રાષ્ટ્રપતિ શાસન લાગ્યા બાદ વિપક્ષે બીજેપી અને રાજ્યપાલ પર આરોપ લગાવ્યો હતો કે સરકાર બનાવવા માટે તેમને યોગ્ય તક અને વધારે સમય ન આપવામાં આવ્યો.
Kapil Sibal, Congress on Amit Shah's remarks on President's Rule in Maharashtra: Amit Shah is very experienced as far as these matters are concerned. He knows how to break & how to unite political parties, we have seen glimpses of it in several states - be it in Goa or Karnataka. pic.twitter.com/ErcucKQGbg
ગૃહ મંત્રી અમિત શાહે કપિલ સિબ્બલના આરોપોને ખોટા ઠેરવતા કહ્યું હતું કે વિપક્ષને સરકાર બનાવવાની પૂર્ણ તક આપવામાં આવી હતી. પરંતુ વિપક્ષની સાથે બીજેપી પણ તેમા નિષ્ફળ રહી છે. આ કારણ છે કે રાજ્યમાં રાષ્ટ્રપતિ શાસન લાગૂ થયું છે.