વસુંધરા વિરૂદ્ધ કોંગ્રેસે જસવંતસિંહના દીકરા માનવેન્દ્રસિંહને ઉતાર્યા બીજી યાદી જાહેર

નવી દિલ્હીઃ રાજસ્થાનમાં ભાજપને હરાવી સત્તામાં પરત ફરવા માટે કોંગ્રેસ તમામ દાવ ખેલ્યા છે. મુખ્યમંત્રી વસુંધરા રાજે સિંધિયાને તેમના ઘરમાં જ ઘેરવા માટે સૌથી મોટો દાવ ચલાવતા કોંગ્રેસે ભાજપના પૂર્વ વરિષ્ઠ નેતા અને અટલ સરકારમાં મંત્રી રહી ચૂકેલા જસવંતસિંહના દીકરા માનવેન્દ્રસિંહને ઝાલરાપાટનથી ઉતાર્યા છે.

કોંગ્રેસે શનિવારે રાજસ્થાન વિધાનસભા ચૂંટણી માટે 32 ઉમેદવારોની યાદી રજૂ કરી. આ પહેલા 152 ઉમેદવારોની પહેલી યાદી આવી હતી. આ યાદીમાં પાર્ટીના વધુ પડતા ધારાસભ્યો અને મોટા નેતાઓના પરિવારવાળાને ટિકીટ આપવામાં આવી હતી. જેને લઇને કોંગ્રેસ કાર્યકર્તાઓએ દિલ્હી સુધી પહોંચીને વિરોધ નોંધાવ્યો હતો.
 

Congress releases the second list of 32 candidates for Rajasthan Assembly elections. pic.twitter.com/OsypSUaHB1

— ANI (@ANI) November 17 2018

ભાજપ સંસ્થાપક સભ્યના રૂપમાં જસવંતસિંહની બાડમેર વિસ્તારમાં એક ઓળખ રહી છે. પરંતુ તેમના દીકરા માનવેન્દ્રસિંહે કોંગ્રેસ જોઇન કર્યા બાદ બાડમેરની રાજકીય પરિસ્થિતિઓ બદલી ગઇ છે. માનવેન્દ્રસિંહ બાડમેરના શિવ વિધાનસભા ક્ષેત્રથી ભાજપના ધારાસભ્ય હતા. ગત મહિને 17 ઓક્ટોબરે તેમણે રાહુલ ગાંધી સાથે મુલાકાત કર્યા બાદ તેમણે કોંગ્રેસ જોઇન કરી લીધું હતું.