બેદરકારી / રાજકોટમાં સ્વચ્છતા મિશન પર કોંગ્રેસની જનતા રેડ, વણવપરાયેલી હાલતમાં હજારો ડસ્ટબીન મળી આવ્યાં

રાજકોટનાં રૈયા રોડ નજીક આવેલ એક ગોડાઉનમાં અચાનક જ વિપક્ષ નેતા દ્વારા જનતા રેડ પાડવામાં આવી છે. જનતાને સાથે રાખીને રેડ પાડવામાં આવતા લાખોની સંખ્યામાં જે ડસ્ટબીન પડ્યા હતાં ને લાખો રૂપિયાનાં ખર્ચા કરવા માટેના આ ટેન્ડરો બહાર પડતા હોય છે અને લાખો રૂપિયાનાં ખર્ચા કરીને આ ડસ્ટબીનો મંગાવવામાં આવતા હોય છે પરંતુ રાજકોટમાં ક્યાંક ને ક્યાંક સ્વચ્છતાને લઇને ડસ્ટબીન ઉપયોગમાં નથી આવતા, જાહેર માર્ગો પર પણ ડસ્ટબીન ઉપયોગમાં નથી આવતા છતાં પણ તેનાં ગોડાઉનમાં અત્યારે જોઇ શકાય છે કે લાખો જેટલાં ડસ્ટબીનો ધૂળ ખાતા પડેલા જોવા મળી રહ્યાં છે. ઉપરાંત આ રેડમાં મહત્વની બાબત તો એ છે કે તેમાં ડસ્ટબીનની સાથે સાથે દારૂની ખાલી બોટલો પણ મળી આવી છે. એટલે શું ત્યાં દારૂ પણ પીવાય છે અથવા તો શું દારૂ પણ ત્યાં પીવાય છે જેવાં અનેક સવાલો પણ ઉભા થાય છે. જેથી આ તમામને લઇને પ્રશ્નો પણ ઉભા થયા છે.

સરકાર સ્વચ્છતા મિશન માટે મોટી મુહિમ ચલાવી રહી છે. સ્વચ્છતા માટે જાહેરાતથી માંડીને લોકોના ઘર સુધી ડસ્ટબીન પહોંચાડવા માટેની કામગીરી હાથ ધરવામાં આવે છે. જો કે સ્થાનિક તંત્ર દ્વારા આ જ મિશનને ધૂળધાણી કરવામાં આવી રહ્યું છે. રાજકોટમાં સોલિડ વેસ્ટ વિભાગના ગોડાઉનમાં કોંગ્રેસે જનતા રેડ કરી અને સ્વચ્છતા મિશન માટે ફાળવાયેલો સામાન કેવી રીતે કાટ ખાય છે તે લોકો સમક્ષ ઉજાગર કર્યુ છે.

રાજકોટમાં સ્વચ્છ મિશન હેઠળ બનાવેલા હજારો ડસ્ટબીન અને ડસ્ટબીન માટેના સ્ટેન્ડ જે કાટ ખાઈ રહ્યાં છે. આ ડસ્ટબીનને જ્યાં પહોંચાડવાના હોય છે. ત્યાં પહોંચાડવાના સ્થાને ગોડાઉનમાં જ મુકી રાખવામાં આવ્યાં છે અને એ સામાન આજે ધૂળ ખાઈ રહ્યો છે. ત્યારે સવાલ એ છે કે મહાનગરપાલિકા જનતાના ટેક્સના રૂપિયાને આ રીતે કેમ વેડફે છે. મળતીયાઓની ફેક્ટરીમાંથી વસ્તુઓ ખરીદીને અધિકારીઓ આ ખેલ કેમ રમી રહ્યાં છે? ટેન્ડરમાં મેળાપીપણું કરીને જનતાના કરોડો રૂપિયાને કેમ વેડફવામાં આવે છે. આ દ્રશ્યો જોઈને ભ્રષ્ટાચારની જ ગંધ આવી રહી છે. ત્યારે કોંગ્રેસ નેતા વશરામ સાગઠીયાએ પણ લાખોનું કૌભાંડ થઈ રહ્યું હોવાનો આક્ષેપ કર્યો છે.