આસામ / CAA લાગુ કર્યા બાદ પહેલી વખત PM મોદી આસામની મુલાકાતે, બોડો સમજૂતીના હસ્તાક્ષર સમારોહમાં આપશે હાજરી

• આસામના કોકરાઝારની મુલાકાતે PM મોદી પહોચશે
• NDFBના 1615થી વધુ કેડરોએ  આત્મસમર્પણ કર્યુ છે
• PMએ વિસ્તારના વિકાસ માટે 1500 કરોડનુ પેકેજ જાહેર કરાયુ છે 

PMના કાર્યક્રમમાં 4 લાખથી વધુ લોકો જોડાવાની શક્યતા

આજે પ્રધાનમંત્રી મોદી આસામની મુલાકાતે જશે. જ્યા તેઓ કોકરાઝારની મુલાકાત લેશે. પ્રધાનમંત્રી મોદી બોડો સમજૂતીના હસ્તાક્ષર સમારોહમાં સામેલ થશે. પ્રધાનમંત્રીના કાર્યક્રમમાં 4 લાખથી વધુ લોકો જોડાવાની શક્યતા છે. 

CAA બાદ PM મોદી પ્રથમ વખત અસમની મુલાકાતે 

NDFBના 1615થી વધુ કેડરોએ આત્મસમર્પણ કર્યું છે. જેને લઈને હવે આ વિસ્તારના વિકાસ માટે સરકારે 1500 કરોડનાં પેકેજની પણ જાહેરાત કરી છે. CAA લાગુ થયા બાદ PM મોદી પ્રથમ વખત આસામની મુલાકાત લેશે. 

Thank you Kokrajhar! I am eagerly awaiting tomorrow’s programme. https://t.co/8oxrP0v969

— Narendra Modi (@narendramodi) February 6, 2020

બોડો સમજૂતીના હસ્તાક્ષર સમારોહમાં થશે સામેલ

PM મોદીએ 7 ફેબ્રુઆરી 2020ના રોજ બોડો સમજૂતીના સમારોહમાં હાજરી આપી લોકોને સંબોધિત કરશે.  27 જાન્યુઆરી 2020નાં રોજ નવી દિલ્હીમાં સમજૂતી પર હસ્તાક્ષર કર્યા હતાં. કોકરાઝારમાં PMના સ્વાગતની તૈયારીઓ કરવામાં આવી છે. તેમનાં સ્વાગતમાં લાખો દીવા પ્રગટાવવામાં આવશે. કોકરાઝારના ફોટો સોશિયલ મીડિયામાં વાઈરલ થઈ રહ્યાં છે.

મુલાકાત બાદ રાજ્યમાંથી શુ પ્રતિક્રિયા મળશે

CAA અને NRCની પ્રક્રિયા પુરી થયા પછી પહેલીવાર PM નોર્થ -ઈસ્ટનાં કોઈ રાજ્યમાં જઈ રહ્યાં છે. ત્યારે એ જોવાનું રહ્યું કે આ બાદ રાજ્યમાંથી શુ પ્રતિક્રિયા મળશે? કેમ કે પૂર્વોત્તરમાં NRC અને CAAને લઈને લોકોમાં ખૂબ અસંતોષ સામે આવ્યો છે. 

મોદી - શાહનો આભાર માન્યો

આસામનાં મુખ્યમંત્રી સર્વાનંદ સોનોવાલે કહ્યું કે બોડો શાંતિ સમજૂતી આસામનાં વિકાસની દિશામાં મદદરુપ સાબિત થશે. મુખ્યમંત્રીએ PM મોદી અને ગૃહમંત્રી અમિત શાહનો આ સમજૂતીને લઈને રાજ્યના લોકોનો આભાર માન્યો હતો. તો બીજી તરફ તેમણે કોંગ્રેસ પર નિશાનો સાધતા કહ્યું કે કોંગ્રેસની ટીકા તે તેમની હતાશાનું પ્રતીક છે. સાથે સાથે વર્ષ 2021માં આસામ વિધાનસભા ચૂંટણીને થવાની છે તેને લઈને સોનોવાલે કહ્યું હતું કે,  રાજ્યના લોકો ભાજપ પર ભરોસો રાખી ભાજપને જ જીતાડશે એવો વિશ્વાસ વ્યક્ત કર્યો હતો.