રાજનીતિ / મહારાષ્ટ્રના રાજકારણમાં મોટી ઉથલપાથલના એંધાણ, કોંગ્રેસે લીધો મોટો નિર્ણય 

• મહારાષ્ટ્રમાં એકલા હાથે ચૂંટણી લડવાનો કોંગ્રેસનો ઈરાદો 
• મહારાષ્ટ્રમાં રાજકીય ગરમાવો વધ્યો 
• હાઈકમાન્ડ નિર્ણય લે તો હું મુખ્યમંત્રીનો ચહેરો બનવા માટે તૈયાર

મહારાષ્ટ્ર સરકારમાં પોતાની હાજરીની અવગણના પર ઘણી વખત પ્રશ્નો કરી ચુકેલી કોંગ્રેસે આવતી વિધાનસભા ચૂંટણીમાં એકલા લડવાનો નિર્ણય કરી લીધો છે. મહારાષ્ટ્ર કોંગ્રેસના ચીફ નાના પટોલે કહ્યું કે રાજ્યમાં હવે પાર્ટી એકલા ચૂંટણી લડશે. ત્યાર બાદ ફરી એક વખત મહારાષ્ટ્રમાં રાજકીય ગરમાવો વધી ગયો છે. પટોલે સીએમ બનવાની ઈચ્છા પણ વ્યક્ત કરી હતી.  

નાના પટોલે કહ્યું કે, 'કોંગ્રેસ મહારાષ્ટ્ર વિધાનસભા ચૂંટણી એકલા હાથે લડશે. અને જો હાઈકમાન્ડ નિર્ણય લે તો હું મુખ્યમંત્રીનો ચહેરો બનવા માટે તૈયાર છું'. પટોલના આ નિવેદન બાદ ફરી એક વખત સંકેત મળી રહ્યા છે કે રાજ્યની મહાવિકાસ અઘાડી સરકારમાં હાલ કંઈ સરખુ નથી ચાલી રહ્યું. 

Congress will contest the Maharashtra Assembly Elections alone. I am ready to be the CM face if the high command decides: Maharashtra Congress chief Nana Patole

(File photo) pic.twitter.com/cKqE5BD5dZ

— ANI (@ANI) June 14, 2021

2024માં ચૂંટણી સાથે લડવા પર કોઈ નિર્ણય નહીં 
રાજ્યની ગઠબંધન સરકારમાં મુખ્ય ભુમિકા નિભાવી રહેલી એનસીપીએ કહ્યું કહ્યું હતું કે મહા વિકાસ અઘાડીના ત્રણેય ઘટક મહારાષ્ટ્ર સરકાર ચલાવવાના મુદ્દા પર એત્રીત થઈ છે પરંતુ વર્ષ 2024માં થવા જઈ રહેલી રાજ્ય વિધાનસભા અને લોકસભાની ચૂંટણી સાથે લડવા પર અત્યાર સુધી કોઈ નિર્ણય નથી કરવામાં આવ્યો. 

રાકાંપાના પ્રવક્તા અને મહારાષ્ટ્ર સરકારમાં મંત્રી નવાબ મલિકની આ ટિપ્પણી પ્રદેશ કોંગ્રેસ અધ્યક્ષ નાના પટોલે તે નિવેદનના એક દિવસ બાદની છે જેમાં તેમણે કહ્યું હતું કે આવનાર વિધાનસભાની પેટા ચૂંટણીમાં કોંગ્રેસ સૌથી મોટી પાર્ટી બનીને આવશે. શનિવારે પટોલે અમરાવતીમાં કહ્યું હતું કે વર્ષ 2024ની ચૂંટણીમાં કોંગ્રેસ રાજ્યમાં સૌથી મોટી પાર્ટી બનાને આગળ આવશે અને ફક્ત કોંગ્રેસની વિચારધારા જ દેશને બચાવી શકે છે. આ વચ્ચે, કોંગ્રેસના વરિષ્ઠ નેતા નસીમ ખાને કહ્યું કે જો તેમની પાર્ટી એકલા હાથે ચૂંટણી લડશે તો તેમને તેનો ફાયદો થશે.