કોંગ્રેસ પ્રમુખ પદની ચૂંટણીમાં ફરી એક વખત કોંગ્રેસની આંતરિક રાજનીતિ સામે આવી છે. જેમાં કોંગ્રેસે ગુરુવારે શશિ થરુરની ટીકા કરીને આરોપ લગાવ્યો છે કે તેઓ પાર્ટી અધ્યક્ષની ચૂંટણીમાં સામેલ હતા.
થરૂરની ટીમે ગેરરીતિનો આક્ષેપ કર્યો હતો
24 વર્ષ પછી ગાંધી પરિવારની બહાર અધ્યક્ષ મળ્યા
મધુસુદન મિસ્રીએ સલમાન સોઝ પર સાધ્યું નિશાન
કોંગ્રેસ પ્રમુખ પદની ચૂંટણીમાં ફરી એક વખત કોંગ્રેસની આંતરિક રાજનીતિ સામે આવી છે. જેમાં કોંગ્રેસે ગુરુવારે શશિ થરુરની ટીકા કરીને આરોપ લગાવ્યો છે કે તેઓ પાર્ટી અધ્યક્ષની ચૂંટણીમાં સામેલ હતા. કોંગ્રેસના કેન્દ્રીય ચૂંટણી સત્તા મંડળના વડા મધુસુદન મિસ્ત્રીએ તેમને મુખ્ય પોલીંગ એજન્ટ સલમાન સોઝ દ્વારા થરુર પર નિશાન સાધ્યું છે.
મધુસુદન મિસ્ત્રીએ કહ્યું કે શશિ થરુરના પોલિંગ એજન્ટના બે ચહેરા છે. એક મારી સામે હતો. જેમાં તમે અમારા જવાબોથી સંતુષ્ટ હતા. બીજો, જેમાં મિડીયાની સામે આ બધા આરોપો લગાવવાનું શરુ કર્યું. મિસ્ત્રીએ લખ્યું, અમે તમારી વિનંતી સ્વીકાર અને છતાં તમે કેન્દ્રીય ચૂંટણી સત્તા મંડળ પર તમારી વિરૂધ્ધ કાવતરુ ઘડવાનો આરોપ લગાવતા મીડિયામાં ગયા.
થરૂરની ટીમે ગેરરીતિનો આક્ષેપ કર્યો હતો
હકીકતમાં શશિ થરુરના ચીફ પોલિંગ એજન્ટ સલમાન સોઝે ઉત્તર પ્રદેશમાં કોંગ્રેસ અધ્યક્ષ પદ માટે વોટિગ દરમિયાન ગેરરીતીનો આરોપ લગાવ્યો હતો. સોઝે આરોપ લગાવ્યો હતો કે ઉત્તર પ્રદેશમાં મતદાન દરમિયાન ગડબડ થઈ હતી. તેમણે કહ્યું કે પોલિગ એજન્ટ વગર બોક્સ સીલ કરવામાં આવ્યા હતા. સોઝેએ અન્ય રાજ્યો પર પણ મતદાનના નિયમોનું ઉલ્લંધન કરવાનો આરોપ લગાવ્યો હતો.
થરુરે આ વિવાદ પર સ્પષ્ટતા કરી
કોંગ્રેસના સેન્ટ્રલ ઈલેક્શન ઓર્થોરીટીના અધ્યક્ષ મધુસુદન મિસ્ત્રીને લખેલો પત્ર મીડીયામાં લીંક થયો હતો. મીડીયામાં લીક થઈ રહેલા પત્ર પર શશિ થરુરે સ્પષ્ટતા કરતા કહ્યું કે, સેન્ટ્રલ ઓર્થોરીટીને લખવામાં આવેલ આંતરિક પત્ર મીડીયામાં લીક થવો તે દુર્ભાગ્યપૂર્ણ છે. વધતા વિવાદને જોઈને થરુરે કહ્યું કે પાર્ટી અધ્યક્ષની આ ચૂંટણી કોંગ્રેસને મજબૂત કરવા માટે છે. તેમાં ભાગલા પાડવા માટે નથી.
24 વર્ષ પછી ગાંધી પરિવારની બહારના કોંગ્રેસ અધ્યક્ષ બન્યા
મલ્લિકાર્જુન ખડગે 24 વર્ષ પછી પાર્ટીના પ્રથમ બિન-ગાંધી અધ્યક્ષ તરીકે ચૂંટાયા હતા. તેમણે ચૂંટણીમાં શશિ થરુરને હરાવ્યા હતા. બુધવારે આવેલા પરિણામમાં ખડગેએ શશિ થરુરને 6825 મતોથી હરાવ્યા હતા. અધ્યક્ષ પદની ચૂંટણીમાં જ્યાં ખડગે 7897 વોટ મળ્યા હતા. થરુરને તેમના ખાતામાં 1072 વોટ મળ્યા હતા. મલ્લિકાર્જુન ખડગે 26 ઓક્ટોમ્બરે કોંગ્રેસ અધ્યક્ષ તરીકે શપથ લેશે.