હવે કોંગ્રેસ હાથ જોડશે / ખેડાથી શરૂ થશે કોંગ્રેસની હાથ સે હાથ જોડો યાત્રા; રાહુલ ગાંધીએ લખેલા પત્રની નકલ બધાને અપાશે

• ગાંધી નિર્વાણ દિવસ નિમિત્તે કોંગ્રેસે ગાંધીજીને પુષ્પાંજલિ આપી
• ગુજરાત કોંગ્રેસ પ્રમુખ જગદીશ ઠાકોરનું નિવેદન 
• જે રાજ્યમાં ભારત જોડો યાત્રા નથી ગઈ ત્યાં હાથ સે હાથ જોડો યાત્રા થશે-જગદીશ ઠાકોર
• ખેડામાં આ યાત્રાનો સૌપ્રથમ થશે પ્રારંભ-જગદીશ ઠાકોર

ગાંધી નિર્વાણ દિવસ નિમિત્તે કોંગ્રેસે ગાંધીજીનો પુષ્યાંજલી આપી હતી. ગુજરાત કોંગ્રેસના પ્રદેશ પ્રમુખ જગદીશ ઠાકોરે જણાવ્યું હતું કે જે રાજ્યમાં ભારત જોડો યાત્રા નથી ગઈ ત્યાં હાથ સે હાથ જોડો યાત્રા જશે. ત્યારે ગુજરાત કોંગ્રેસની હાથ સે હાથ જોડો યાત્રા આગામી સમયમાં શરૂ થનાર છે. ફેબ્રુઆરીમાં સૌથી પહેલા 2 દિવસની યાત્રા શરૂ થશે.

યાત્રાની શરૂઆત ખેડાથી કરવામાં આવશે
આ યાત્રાની શરૂઆત ખેડાથી થનાર છે.  યાત્રા દરમિયાન રાહુલ ગાંધીએ લખેલા પત્રની નકલનું વિતરણ પણ કરાશે. વડોદરામાં હાથ સે હાથ જોડો યાત્રા વિધાનસભા પ્રમાણે નીકળશે. અલગ અલગ સૂત્રોચ્ચાર સાથે અને મુદ્દા આધારે પત્રિકા લોકોને આપવામાં આવશે. ત્યારે ફેબ્રુઆરીના અંતમાં 2-2 દિવસની યાત્રા પૂર્ણ થશે ત્યારે બાદ બુથ લેવલે યાત્રા શરૂ કરશે.

હાથ સે હાથ જોડો યાત્રાનું આયોજન 
કન્યાકુમારીથી શરૂ થયેલી 4080 કિલોમીટર લાંબી આ પદયાત્રાનુ આજે 30 જાન્યુઆરીએ કાશ્મીર ખાતે  સમાપન થશે. આ યાત્રા સાત સપ્ટેમ્બરે તમિલનાડુનાં કન્યાકુમારીથી શરૂ થઈ હતી અને દેશભરના 75 જીલ્લામાંથી પસાર થઈ છે. ત્યારે ભારત જોડો યાત્રા જે રાજ્યોમાં નથી પહોંચી ત્યાં હાથસે હાથ જોડો યાત્રાનું આયોજન કરવામાં આવનાર છે. 

71 નગરપાલિકામાં સૌ પ્રથમ યાત્રાની શરૂઆત થશે
આગામી સમયમાં આવનાર 71 નગરપાલિકાઓની ચૂંટણીઓ તેમજ 2024 ની ચૂંટણીની તૈયારીઓને લઈને કોંગ્રેસ દ્વારા જે નગરપાલિકાની ચૂંટણી છે. ત્યાં સૌ પ્રથમ આ યાત્રા શરૂ કરવામાં આવશે.  ત્યારે બાદ અન્ય જગ્યાઓ પર યાત્રા નીકળશે.