કેન્દ્ર સરકાર તરફથી લાવવામાં આવેલા કૃષિ કાયદાનો વિરોધ કરી રહેલા ખેડૂતોનું સમર્થન કરવા માટે કોંગ્રેસે આજે દેશભરમાં પ્રદર્શનની તૈયારી કરી લીધી છે. કોંગ્રેસ સાંસદ અને પૂર્વ પાર્ટી અધ્યક્ષ રાહુલ ગાંધીએ આજે દેશભરના રાજભવનને ઘેરવાનું એલાન કર્યું છે. કોંગ્રેસ નેતા રાહુલ ગાંધી આજે પોતે દિલ્હીમાં એલજી હાઉસ સુધી માર્ચની આગેવાની કરશે. કોંગ્રેસના માર્ચને લઈને પ્રશાસનને એલર્ટ કરવામાં આવ્યા છે.
કોંગ્રેસે કેન્દ્ર સરકારને 3 કૃષિ કાયદાને રદ્દ કરવાની માંગ કરી
કેન્દ્ર સરકાર પોતાના 2-3 મિત્રોને ફાયદો પહોંચાડવાનો પ્રયાસ કરી રહી છે- રાહુલ ગાંધી
કોંગ્રેસ આજે ખેડૂત અધિકાર દિવસ મનાવી રહી છે
કેન્દ્ર સરકાર પોતાના 2-3 મિત્રોને ફાયદો પહોંચાડવાનો પ્રયાસ કરી રહી છે
કોંગ્રેસના પૂર્વ અધ્યક્ષ રાહુલ ગાંધીએ 3 કેન્દ્રીય કૃષિ કાયદાના મુદ્દાને લઈને કેન્દ્ર સરકાર પર નિશાન સાધતા આરોપ લગાવ્યો હતો કે સરકાર ખેડૂતોને બરબાદ કરવાનું ષડયંત્ર રચી રહી છે. તેમણે એમ પણ કહ્યું કે કોંગ્રેસ ખેડૂતોની સાથે ઉભી રહેશે. રાહુલ ગાંધીએ સંવાદદાતાઓની સાથે વાતચીતમાં દાવો કર્યો છે કે કેન્દ્ર સરકાર પોતાના 2-3 મિત્રોને ફાયદો પહોંચાડવાનો પ્રયાસ કરી રહી છે. એક સવાલના જવાબમાં તેમણે કહ્યું કે સરકાર ખેડૂતોની ફક્ત ઉપેક્ષા જ નથી કરી રહી પરંતુ તેમને બરબાદ કરવાનું ષડયંત્ર કરી રહી છે.
કોંગ્રેસ આજે ખેડૂત અધિકાર દિવસ મનાવી રહી છે
ઉલ્લેખનીય છે કે કોંગ્રેસ આજે ખેડૂત અધિકાર દિવસ મનાવી રહી છે અને તમામ રાજ્યોના કોંગ્રેસ પ્રભારીને આજે રાજ ભવનોને ઘેરવાનું કહ્યું છે. પાર્ટીના એક પદાધિકારીએ જણાવ્યુ પાર્ટીના તમામ સ્ટેટ યૂનિટોને રાજ ભવનો અને કેન્દ્રશાસિત પ્રદેશોમાં એલજી હાઉસેઝને ઘેરવાના નિર્દેશ આપ્યા છે. કોંગ્રેસ નેતા રાહુલ ગાંધી અન્ય વરિષ્ઠ નેતાઓની સાથે રાજધાની દિલ્હીમાં એલજી હાઉસનો ઘેરાવ કરશે.
કોંગ્રેસે કેન્દ્ર સરકારને 3 કૃષિ કાયદાને રદ્દ કરવાની માંગ કરી
દિલ્હીમાં તમામ કોંગ્રેસ નેતાઓ અને કાર્યકર્તાઓથી ચંદગી રામ અખાડા પર એકત્રિત થવાનું કહેવામાં આવ્યું છે. અહીંથી રાહુલ ગાંધીના નેતૃત્વમાં કોંગ્રેસ નેતા એલજી હાઉસ સુધી માર્ચ કાઢશે. કોંગ્રેસે કેન્દ્ર સરકારને 3 કૃષિ કાયદાને રદ્દ કરવાની માંગ કરી છે. ઉલ્લેખનીય છે કે સરકાર કૃષિ કાયદામાં સંશોધન કરવા તૈયાર છે પણ તેને પાછા લેવા તે તૈયાર નથી. જેના કારણે કડકડતી ઠંડીમાં ખેડૂતો દિલ્હી બોર્ડર પર પ્રદર્શન કરી રહ્યા છે. આ મામલો સુપ્રીમ કોર્ટ સુધી પહોંચ્યો છે અને કોર્ટે કમિટીની રચના પણ કરી છે.