ગુજરાતમાં ચૂંટણીની સિઝનમાં પક્ષપલટો એ નવી નવાઈની વાત નથી ત્યારે આ વખતે પણ રાજ્યસભા ઈલેક્શન પહેલા કોંગ્રેસમાંથી 8 ધારાસભ્યોએ રાજીનામા આપ્યા હતા. જીતુ વાઘાણીએ તેમને કેસરિયો ખેસ પહેરાવ્યો હતો ત્યારે જીતુ વાઘાણીએ કોંગ્રેસને પોતાની દુકાન બંધ કરી દેવી જોઈએ જેને કારણે રાજકારણમાં ભૂકંપ સર્જાયો હતો.
ભાજપ પ્રદેશ પ્રમુખ જીતુ વાઘાણીએ કોંગ્રેસ પર કર્યા પ્રહાર
ટિકિટ આપવાનો વાયદો નકાર્યો
કોંગ્રેસના કયા પૂર્વ ધારાસભ્યોએ આજે કેસરિયો ધારણ કર્યો?
ભાજપ પ્રદેશ પ્રમુખ જીતુ વાઘાણીએ એક મોટું નિવેદન આપતા જણાવ્યું હતું કે, ગુજરાતમાં કોંગ્રેસના ટુકડે ટુકડા થઈ રહ્યા છે. આ સિવાય કોંગ્રેસમાં અંદરોઅંદરનો વિખવાદ પણ વધી ગયો છે, અને હવે તે બહાર આવવા લાગ્યો છે. જેના કારણે અમુક ધારાસભ્યો નારાજ થઈને પાર્ટી છોડી રહ્યા છે. પોતાના ધારાસભ્યોને સાચવવામાં નિષ્ફળ નીવડેલી કોંગ્રેસ વારંવાર ભાજપ પર આક્ષેપ કરે છે તેને હું ફગાવું છું. નેતૃત્વ વિહોણી કોંગ્રેસે પોતાના બચાવ માટે માત્ર ભાજપ પર જ આક્ષેપ કરવા હોય તો ગુજરાતમાં કોંગ્રેસે પોતાની દુકાન બંધ કરી દેવી જોઈએ. 2013માં પણ કોંગ્રેસના 5 ધારાસભ્યો રાજીનામું આપીને ભાજપમાં જોડાયા હતા.
પોતાના ધારાસભ્યોને સાચવવામાં નિષ્ફળ નીવડેલી કોંગ્રેસ વારંવાર ભાજપ પર આક્ષેપ કરે છે તેને હું ફગાવું છું. નેતૃત્વ વિહોણી કોંગ્રેસે પોતાના બચાવ માટે માત્ર ભાજપ પર જ આક્ષેપ કરવા હોય તો ગુજરાતમાં કોંગ્રેસે પોતાની દુકાન બંધ કરી દેવી જોઈએ. : પ્રદેશ અધ્યક્ષ શ્રી @jitu_vaghanipic.twitter.com/UIMnMVuctX
કોંગ્રેસના પૂર્વ ધારાસભ્યોએ ભાજપમાં જોડાયા તે અંગે અનેક અટકળો ચાલી રહી હતી કે તેમને ભાજપે ધારાસભ્યોનું પદ ઓફર કર્યું છે. પરંતુ આજે જીતુ વાઘાણીએ તમામ વાતનો રદીયો આપ્યો હતો અને જણાવ્યું કે, એકપણ પૂર્વ ધારાસભ્ય શરતો સાથે જોડાયા નથી. ટિકિટ અંગે પાર્લામેન્ટરી બોર્ડ નિર્ણય લેશે. અમે બધાને આવકારીએ છીએ..
કોંગ્રેસના કયા EX, MLA જોડાયા ભાજપમાં
1. પ્રદ્યુમનસિંહ જાડેજા, પૂર્વ ધારાસભ્ય, અબડાસા
2. જે.વી.કાકડિયા, પૂર્વ ધારાસભ્ય, ધારી
3. બ્રિજેશ મેરજા, પૂર્વ ધારાસભ્ય, મોરબી
4. અક્ષય પટેલ, પૂર્વ ધારાસભ્ય, કરજણ
5. જીતુ ચૌધરી, પૂર્વ ધારાસભ્ય, કપરાડા