"કોંગ્રેસના હાથ મુસ્લિમોના રક્તથી રંગાયેલા"

અલીગઢ મુસ્લિમ વિશ્વ વિદ્યાલયના એક કાર્યક્રમમાં કોંગ્રેસના વરિષ્ઠ નેતા અને પૂર્વ વિદેશ મંત્રી સલમાન ખુર્શીદે એક એવું નિવેદન આપ્યું છે કે જેનાથી કોંગ્રેસ પાર્ટીની મુશ્કેલીઓ વધી શકે છે.

AMUના એક વિદ્યાર્થીએ કોંગ્રેસના શાસન કાળ દરમિયાન બાબરી મસ્જિદ વિધ્વંસ અને કોમી રમખાણને લઈને પૂછવામાં આવેલા એક સવાલના જવાબમાં સલમાન ખુર્શીદે જણાવ્યું કે કોંગ્રેસના હાથ મુસ્લિમોના રક્તથી રંગાયેલા છે. AMUના કાર્યક્રમમાં વિદ્યાર્થી આબિર મિંટોઈએ સલમાન ખુર્શીદને સવાલ પૂછતાં કહ્યું કે કોંગ્રેસના શાસન કાળમાં મુસ્લિમો સાથે અન્યાય થયો. હાશિમપુરા મુઝફ્ફરનગર રમખાણ બાબરી મસ્જિદ આ તમામ કોંગ્રેસના શાસન કાળમાં થયું. 

કોંગ્રેસના હાથ જે મુસ્લિમનો રક્તથી રંગાયેલા છે તેના પર તમારું શું કહેવું છે. તેને કોંગ્રેસ કઈ રીતે ધોશે ?...જેના જવાબમાં સલમાન ખુર્શીદે કહ્યું કે અમારા હાથ રક્તથી રંગાયેલા છે માટે જ તમે અમને કહી રહ્યા છો. જો કોઈ તમારા પર વાર કરે તો તેને રોકવો ન જોઈએ. તમે સમજો કે આ ડાઘ અમારા પર લાગ્યા છે. તમારા પર નહીં તમે આના પર વાર કરશો તો ડાઘ તમારા પર લાગશે. 

અમારા ઈતિહાસથી સીખો અને સમજો કે તમારી સ્થિતિ એવી ન કરો કે 10 વર્ષ બાદ જ્યારે તમે યુનિવર્સિટીમાં આવો ત્યારે તમને કોઈ આવો સવાલ પૂછનારા ન મળે. જોકે  બાદમાં સલમાન ખુર્શીદે નિવેદન આપતાં જણાવ્યું કે હું મારા નિવેદન પર કાયમ છું.