હલ્લાબોલ / પેટ્રોલ ડીઝલના ભાવમાં ભડકો: પેટ્રોલિયમ મંત્રાલય સામે કોંગ્રેસનો વિરોધ, માટલા અને સિલેન્ડર લઈને પહોંચી મહિલાઓ

• પેટ્રોલ અને ડીઝલના ભાવમાં ભડકો
• સતત વધી રહ્યા છે ઈંધણના ભાવ
• યૂથ કોંગ્રેસે પેટ્રોલિમય મંત્રાલય સામે વિરોધ કર્યો

દિલ્હીમાં આજે એટલે કે, 29 માર્ચે ફરી એક વાર 80 પૈસાનો પ્રતિ લીટરે વધારો કર્યો છે. સાથે જ પેટ્રોલ 100 રૂપિયે પાર પહોંચી ગયું છે. તો વળી ડીઝલની કિંમતમાં પણ આજે 70 પૈસાનો લીટરે વધારો ઝીકવામાં આવ્યો છે. પેટ્રોલના ભાવ સતત વધતા જઈ રહ્યા છે, જે બાબતને લઈને યૂથ કોંગ્રેસે પેટ્રોલિયમ મંત્રાલયની સામે જઈને વિરોધ પ્રદર્શન કર્યા હતા. પ્રદર્શનમાં મોટી સંખ્યામાં મહિલા કાર્યકર્તાઓ રસોઈ ગેસ સિલેન્ડર અને માટલા લઈને પહોંચ્યા હતા.

Delhi | Members of the Indian Youth Congress protest against the Central Govt over the rising inflation & the hike in fuel & LPG prices.

Visuals from outside the Ministry of Petroleum & Natural Gas in Shastri Bhawan pic.twitter.com/H6JL4NfWxZ

— ANI (@ANI) March 29, 2022

પેટ્રોલ અને ડીઝલના ભાવમાં ભડકો

ક્રૂડ ઓઈલના ભાવમાં થઈ રહેલા સતત ભાવ વધારાના કારણે પેટ્રોલ-ડીઝલના ભાવ આસમાને પહોંચી ગયા છે. ત્યારે રાજ્યમાં આજે પણ પેટ્રોલ-ડીઝલના ભાવમાં વધારો કરવામાં આવ્યો છે. આજે પેટ્રોલમાં 80 પૈસા, ડીઝલમાં 72 પૈસાનો વધારો થયો છે હવે રાજ્યમાં પેટ્રોલનો નવો ભાવ 99.91 અને ડીઝલનો નવો ભાવ 94.48 થઈ ગયો છે. મહત્વનું છે કે છેલ્લા 8 દિવસમાં પેટ્રોલમાં 4.72, ડીઝલમાં 4.93 રૂપિયાનો વધારો ઝીંકી દેવામાં આવ્યો છે. જો યુક્રેન-રશિયાનું યુદ્ધ ચાલતું જ રહ્યું તો આગામી દિવસોમાં પેટ્રોલ-ડીઝલના ભાવ સામાન્ય લોકો માટે માથાનો દુખાવો બની શકે છે.

મુંબઇ દિલ્હીમાં શું છે ભાવ?

પેટ્રોલ ડીઝલના ભાવમાં સતત વધારો થતાં હવે સામાન્ય જનતાનું બજેટ ખોરવાઈ ગયું છે.આંતરરાષ્ટ્રીય બજારમાં ક્રૂડ ઓઈલના ભાવ વધવાની આ સીધી અસર છે.. પેટ્રોલમાં આજે 30 પૈસા અને  ડીઝલમાં 37 પૈસાનો વધારો થયો છે.. દિલ્લીમાં પેટ્રોલની કિંમત 99.41 રૂપિયા અને ડીઝલની કિંમત 90.77 રૂપિયાએ પહોંચી ગઈ છે.. તો દેશની આર્થિક રાજધાની ગણાતા મુંબઈમાં 114.19 રૂપિયા પ્રતિ લીટર પેટ્રોલ અને ડીઝલ 98.50 રૂપિયા પ્રતિ લીટરે પહોંચી ગયું છે. ઈંધણના ભાવ વધતાં જનતા પરેશાન છે.

SMS દ્વારા ચેક કરો કે તમારા શહેરમાં શું ચાલી રહ્યાં છે પેટ્રોલ-ડીઝલના ભાવ?

તમે તમારા શહેરમાં દરરોજ એક SMS દ્વારા પેટ્રોલ અને ડીઝલની કિંમત જાણી શકો છો. આ માટે ઈન્ડિયન ઓઈલ (IOCL)ના ગ્રાહકોએ RSP કોડ લખીને 9224992249 નંબર પર મોકલવાનો રહેશે. તમારા શહેરનો RSP કોડ જાણવા અહીં ક્લિક કરો.