ગુજરાત પ્રદેશ કોંગ્રેસના ડેલીગેટ બાબુ જાલંધરાએ કોંગ્રેસમાંથી રાજીનામુ આપ્યુ છે. તો રાજુલા તાલુકા કોંગ્રેસના પ્રમુખ દિપક જાલંધરાએ પણ રાજીનામુ આપ્યુ છે. મળતી માહિતી મુજબ બાબુ જાલંઘરા અને તેમના દીકરા પ્રમુખ દિપક જાલંધરાએ કોંગ્રેસમાંથી રાજીનામુ આપી ભાજપના નારણ કાછડીયાને સમર્થન જાહેર કર્યુ છે. જેને લઈને અનેક તર્ક વિતર્ક સર્જાયા છે.
રામાજી ઠાકોર ભાજપમાં જોડાયા
મહત્વનું છે કે મહેસાણામાં વધુ એક આગેવાને કોંગ્રેસનો હાથ છોડ્યો છે. બહુચરાજીના કોંગ્રેસ આગેવાન રામાજી ઠાકોર પણ ભાજપમાં જોડાયા છે. રામાજી ઠાકોર જિલ્લા પંચાયતમાં મહિલા અને બાળ વિકાસના ચેરમેન છે. રામાજી સાથે કોંગ્રેસના 20 આગેવાનો પણ ભાજપમાં જોડાયા છે. ઠાકોર સમાજના આગેવાનોને ભાજપમાં જોડવાનું ઓપરેશન હાથ ધરવામાં આવ્યુ હોય તેમ જણાઇ રહ્યુ છે.