રાજ્યની 6 બેઠકોની પેટાચૂંટણી માટે ઉમેદવાર પસંદ કરવા કોંગ્રેસે કવાયત હાથધરી છે. નિરીક્ષકો સાથે કોંગ્રેસના આગેવાનોની બેઠક મળી હતી. પ્રદેશ પ્રભારી રાજીવ સાતવ અને પ્રદેશ પ્રમુખ અમિત ચાવડાની આગેવાનીમાં બેઠક મળી હતી. અરાઈવાડી અને લુણાવાડા બેઠક માટે અને રાધનપુરના ઉમેદવારની પેનલ માટે ચર્ચા થઈ હતી.
પેટાચૂંટણીને લઇને કોંગ્રેસમાં બેઠકોનો ધમધમાટ
6 બેઠકો પર દાવેદારોની પેનલ તૈયાર
હાઇકમાન્ડની મહોર બાદ જાહેર કરાશે નામ
પેટાચૂંટણીને લઇ કોંગ્રેસ એક્શનમાં છે. ત્યારે કોંગ્રેસ પ્રદેશ પ્રમુખ અમિત ચાવડાએ ઉમેદવારોની પસંદગીને લઇ કહ્યું કે આગામી બે દિવસમાં ઉમેદવારોના નામ જાહેર કરી દેવાશે. હાઇકમાન્ડ ઉમેદવારના નામ જાહેર કરશે. બેઠકમાં ઉમેદવાર અને વ્યૂરચના અંગે ચર્ચા કરાઇ છે અને બેઠક દીઠ નિરીક્ષકો સાથે સમીક્ષા પણ કરવામાં આવી છે.
કોંગ્રેસ દ્વારા 6 બેઠકો પર દાવેદારોની પેનલ તૈયાર કરી દેવાઇ છે. જેમાં અમરાઇવાડીમાં ધર્મેશ પટેલ અને ઇલાક્ષી પટેલના નામનો સમાવેશ કરાયો છે. અન્ય બેઠકો પર કોંગ્રેસના દાવોદારોની પેનલ નીચે મુજબ છે. આ તમામ નામ હાઇકમાન્ડમાં મોકલાશે અને હાઇકમાન્ડના અંતિમ મહોર બાદ નામ જાહેર કરાશે.
કોંગ્રેસના દાવેદારોની પેનલ
અમરાઇવાડી બેઠક
ધર્મેશ પટેલ
ઇલાક્ષીબેન પટેલ
લુણાવાડા બેઠક
ગુલાબસિંહ ચૌહાણ
પી.એમ.પટેલ
રાધનપુર બેઠક
રઘુ દેસાઇ
ગોવિંદ ઠાકોર
ખેરાલુ બેઠક
મુકેશ ચૌધરી
જયરાજસિંહ પરમાર
થરાદ બેઠક
માવજી ચૌધરી
આંબાલાલ સોલંકી
બાયડ બેઠક
જસુ પટેલ
માનવેન્દ્રસિંહ
રાજ્યની 6 પેટાચૂંટણીને લઈને કોંગ્રેસ તૈયાર છેઃ સાતવ
કોંગ્રેસ પ્રદેશ પ્રભારી રાજીવ સાતવ ગુજરાતની મુલાકાતે આવ્યા છે. રાજીવ સાતવે પ્રતિક્રિયા આપી હતી કે, તેઓ કોંગ્રેસની ગાંધી સંદેશ યાત્રામાં ભાગ લશે. ત્યાર બાદ તેમણે રાજ્યની પેટાચૂંટણીને લઈને પ્રતિક્રિયા આપી હતી કે, પેટાચૂંટણીને લઈને કોંગ્રેસ તૈયાર છે. પેટાચૂંટણીના ઉમેદવાર માટે ચર્ચા પણ કરવામાં આવશે. સાથે જ તેમણે જણાવ્યુ કે, સ્થાનિક લીડરશીપના આધારે તમામ બેઠકના ઉમેદવાર નક્કી કરવામાં આવશે.