રાજનીતિ / લીંબડી બેઠક પર છેલ્લી ઘડીએ બદલાયા સમીકરણો, કોંગ્રેસે તૈયાર કર્યો પ્લાન B

• લીંબડી બેઠકને લઇ છેલ્લી ઘડીએ બદલાયા સમીકરણો
• ક્ષત્રિયને બદલે કોળી ઉમેદવારને મળી શકે છે ટિકિટ
• ભાજપે કિરીટસિંહ રાણાને ટિકિટ આપતા કોંગ્રેસનો પ્લાન B

લીંબડી વિધાનસભા બેઠક પર કોંગ્રેસ માટે અસમંજસની સ્થિતિ છે. ત્યારે જ્ઞાતિવાદી સમીકરણ સાધવા કોંગ્રેસ પ્રયાસ કરી રહી છે. કોંગ્રેસનો ઉમેદવાર કોણ હશે તેના વિશે અનેક તર્કવિતર્ક છે. તેવામાં ભાજપે કિરીટસિંહ રાણાને ટિકિટ આપતા કોંગ્રેસ પ્લાન B અપનાવી શકે છે. કોંગ્રેસ હવે ક્ષત્રિયને બદલે કોળી ઉમેદવારને ટિકિટ આપી શકે છે. લીંબડી બેઠકને લઇ છેલ્લી ઘડીએ સમીકરણો બદલાયા છે. 

જેરામ મેણીયા અથવા કલ્પના મકવાણાને મળી શકે છે ટિકિટ

ક્ષત્રિયને બદલે કોળી ઉમેદવારને ટિકિટ મળી શકે છે. આ બેઠક પર કોળી નેતાનું પ્રભુત્વ હોવાથી કોંગ્રેસ કોળી નેતા કલ્પના મકવાણા અથવા જેરામ મેણીયાની જાહેરાત થઇ શકે છે. કરજણમાં ક્ષત્રિય ઉમેદવારને ટિકિટ અપાતા કોળી સમાજના નેતાઓ દબાણ કરી રહ્યા છે.

અમિત ચાવડાએ લીંબડી આસપાસના ધારાસભ્યો સાથે ચર્ચા કરી

મહત્વનું છે કે, લીંબડી વિધાનસભાની બેઠક માટે ઉમેદવારોના નામ પર પેચ ફસાતા કોંગ્રેસના પ્રદેશ પ્રમુખ અમિત ચાવડા અને વિપક્ષ નેતા પરેશ ધાનાણી વચ્ચે બેઠક યોજાઇ હતી. સામાજિક સમીકરણને લઇને કોંગ્રેસ નિર્ણય નથી લઇ શકતી. લીંબડીની જવાબદારી લેવા કોઇ ધારાસભ્ય તૈયાર નથી. જોકે અમિત ચાવડા લીંબડી આસપાસના ધારાસભ્યો સાથે ચર્ચા કરી રહ્યાં છે.

પેટાચૂંટણી માટે ભાજપે જાહેર કરેલા ઉમેદવારોની યાદી

• અબડાસા - પ્રદ્યૂમનસિંહ જાડેજા
• મોરબી - બ્રિજેશ મેરજા
• ધારી - જે.વી.કાકડિયા
• ગઢડા - આત્મારામ પરમાર
• કરજણ - અક્ષય પટેલ
• ડાંગ - વિજય પટેલ
• કપરાડા - જીતુ ચૌધરી
• લીંબડી - કિરીટસિંહ રાણા

પેટાચૂંટણી માટે કોંગ્રેસે જાહેર કરેલા ઉમેદવારોની યાદી 

• ગઢડા : મોહનભાઈ સોલંકી 
• અબડાસા : શાંતિલાલ સંઘાણી
• ધારી : સુરેશ કોટડીયા 
• મોરબી : જયંતિલાલ  પટેલ
• કરજણ : કીર્તિસિંહ જાડેજા

(વિધાનસભાની 3 બેઠકોને લઇને કોંગ્રેસ હજુ મુંઝવણમાં)

ગુજરાત વિધાનસભાની પેટાચૂંટણીની તારીખ જાહેર

8 બેઠકો પર ગુજરાત વિધાનસભાની પેટાચૂંટણી 3 નવેમ્બરે યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. તો 19 ઓક્ટોબર ફોર્મ ખેંચવાની છેલ્લી તારીખ છે. જ્યારે 3 નવેમ્બરે મતદાન થશે અને 10 નવેમ્બરે પરિણામ જાહેર થશે.

કઇ બેઠકો પર યોજાશે ચૂંટણી

રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે.

8 MLAએ રાજીનામાં આપતા યોજાશે પેટાચૂંટણી

8 બેઠકો પર ધારાસભ્યોએ રાજીનામાં આપતા પેટાચૂંટણી યોજાશે. અબડાસાથી પ્રદ્યુમનસિંહ જાડેજા, મોરબીમાંથી બ્રિજેશ મેરજા, કપરાડામાંથી અક્ષય પટેલ, ગઢડામાંથી પ્રવીણ મારૂ, ધારીમાંથી જે.વી કાકડીયા, કપરાડામાંથી જિતુ ચૌધરી, ડાંગમાંથી મંગળ ગાવિત અને લીંબડીમાંથી સોમા પટેલનું રાજીનામું પડ્યું હતું.