ચૂંટણી / કોંગ્રેસે ગુજરાતની વધુ 4 બેઠકો પર ઉમેદવારોના નામ કર્યા જાહેર

અમદાવાદ: લોકસભાની ચૂંટણીને લઈને કોંગ્રેસે વધુ 4 ઉમાદવારોના નામની જાહેરાત કરી છે. જેમાં કોંગ્રેસે ગાંધીનગર બેઠક માટે સી.જે. ચાવડા, સુરેન્દ્રનગર બેઠક માટે સોમા ગાંડા પટેલ અમરેલીથી પરેશ ધાનાણી અને જામનગરથી મુળુ કંડોરિયાને લોકસભાની ટિકિટ આપી હતી.

#Jamnagar થી મુળુ કંડોરિયાને કોંગ્રેસે આપી ટિકિટ #Amreli થી પરેશ ધાનાણી #Gandhinagar થી સી. જે. ચાવડા #Surendranagar થી સોમા ગાંડા પટેલને ટિકિટ#LokSabhaElections2019 @paresh_dhanani pic.twitter.com/wMneH7Qi51

— VTV Gujarati News (@VtvGujarati) April 2, 2019

આપને જણાવી દઇએ કે, કોંગ્રેસે અત્યાર સુધીમાં ગુજરાતની કુલ 26 બેઠકોમાંથી 13 બેઠકોનાં નામની તો સત્તાવાર રીતે જાહેરાત કરાઇ હતી ત્યારબાદ આજરોજ વધુ 4 ઉમેદવારની જાહેરાત કોંગ્રેસના હાઇકમાન્ડે કરી હતી.
 
આ ઉમેદવારોના નામ થયાં જાહેર
ગાંધીનગરઃ સી.જે. ચાવડા
સુરેન્દ્રનગરઃ સોમા ગાંડા પટેલ
અમરેલીઃ  પરેશ ધાનાણી
જામનગરઃ મુળુ કંડોરિયા

ઉલ્લેખનીય છે કે, લોકસભાની ચૂંટણી નજીક આવી રહી છે તેમ-તેમ રાજકીય પક્ષો દ્વારા પોતાના ઉમેદવારની પસંદગી કરવામાં આવી રહી છે. ભાજપ અને કોંગ્રેસ દ્વારા જે-તે વિસ્તારમાં સારું એવું પ્રભુત્વ ધરાવતા ઉમેદવારોની પસંદગી કરવામાં આવી રહી છે ત્યારે ગુજરાત કોંગ્રેસ દ્વારા પણ આજરોજ વધુ 2 ઉમેદવારોના નામની જાહેરાત કરવામાં આવી હતી. 

સ્ક્રીનિંગ કમિટીની બેઠકમાં લેવાયો નિર્ણય
દિલ્લીમાં કોંગ્રેસની સ્ક્રીનિંગ કમિટીની બેઠક પૂર્ણ થઈ છે. કોંગ્રેસે તમામ બેઠક પરથી ઉમેદવારોના નામ પર આખરી મહોર મારી દીધી છે. જેમાં અમરેલીથી પરેશ ધાનાણીને મેદાને ઉતાર્યા છે. તો જામનગરથી મુળુ કંડોરિયાને મેદાને ઉતાર્યા છે. આ ઉપરાંત ગાંધીનગરથી સી. જે. ચાવડા અને સુરેન્દ્રનગરથી સોમા પટેલને મેદાને ઉતાર્યા છે.

13 બેઠકો પર પોતાનાં ઉમેદવારોની કરી હતી જાહેરાત . જેની યાદી નીચે મુજબ છેઃ

અમદાવાદ વેસ્ટ - રાજુ પરમાર
વડોદરા - પ્રશાંત પટેલ
આણંદ - ભરતસિંહ
છોટા ઉદેપુર - રંજિત રાઠવા
નવસારી - ધર્મેશ પટેલ
કચ્છ - નરેશ મહેશ્વર
રાજકોટ - લલિત કગથરા
વલસાડ - જીતુ ચૌધરી
પાટણ - જગદીશ ઠાકોર
જૂનાગઢ - પૂંજા વંશ
પોરબંદર - લલિત વસોયા
પંચમહાલ - વી.કે.ખાંટ
બારડોલી - તુષાર ચૌધરી