બારડોલી: ગઈ કાલે કોંગ્રેસે ગુજરાતની વિધાનસભાની 6 બેઠકોની સત્તાવાર જાહેરાત કરી હતી. જો કે સૂત્રો પ્રમાણે 7 સીટોના નામ ફાઈનલ હતાં પરંતુ એક સીટ બારડોલી પર વિવાદ થતાં તેની જાહેરાત અટકાવાઈ હતી.
પરંતુ આજે બારડોલી બેઠક માટે કોંગ્રેસના ઉમેદવારના વિવાદનો અંત આવ્યો છે. તુષાર ચૌધરીનું નામ કોંગ્રેસ હાઈકમાન્ડે નક્કી કર્યુ છે. બારડોલી બેઠક પર તુષાર ચૌધરી કોંગ્રેસના ઉમેદવાર કરી કે સત્તાવાર રીતે તુષાર ચૌધરીનું નામ કોંગ્રેસે જાહેર કર્યું છે. જેથી હવે બારડોલીમાં ભાજપના પ્રભુ વસાવા સામે કોંગ્રેસના તુષાર ચૌધરીનું નામ જાહેર થયું છે.
Congress Central Election Committee announces the next three candidates for the ensuing elections to the Lok Sabha pic.twitter.com/BxBmNLg1wN
ઉલ્લેખનીય છે ગઈ કાલે કોંગ્રેસે સાત નામો નક્કી હતા છતાં 6 બેઠકો પર નામો જાહેર કર્યા હતાં અને એક બારડોલી બેઠક પર નામની જાહેરાત અટકાવી હતી. કારણે બારડોલી લોકસભા સીટને લઇ ગુજરાત કોંગ્રેસમાં ભડકો થયો હતો. તુષાર ચૌધરીનું નામ જાહેર થવાની વાત મળતા કોંગ્રેસમાં નારાજગી જોવા મળી હતી અને કહેવાતું હતું કે માંડવીના ધારાસભ્ય આનંદ ચૌધરીએ પણ આ બેઠક માટે દાવેદારી નોંધાવી હતી. આખરે કોંગ્રેસે આજે રાતે ત્રણ ઉમેદવારોની ટ્વિટર પર જાહેરાત કરી હતી.
જેમાં ગુજરાતની બારડોલી બેઠક પર તુષાર ચૌધરીનું નામ જાહેર કર્યુ હતું. જ્યારે હિમાચલની મંડી બેઠક પર આશ્રેય શર્મા અને શિમલા (SC) બેઠક પર ડૉ. ધનીરામ શાંડિલનું નામ જાહેર કરાયું હતું.
મહત્વનું છે કે હવે આ જાહેરાત સાથે કોંગ્રેસે કુલ ગુજરાતમાં 13 બેઠકો પર પોતાના ઉમેદવારોની જાહેરાત કરી દીધી છે. જેની યાદી નીચે પ્રમાણે છે.