ભાજપ સાંસદ રાજેશ ચુડાસમાએ કોંગ્રેસ ઉમેદવારની તરફેણ કરી છે; કહ્યું કે, મારા ગામનો યુવાન ધારાસભ્ય બને તો મને શું વાંધો?
કોંગ્રેસ ઉમેદવારની રાજેશ ચુડાસમાએ કરી તરફેણ
રાજેશ ચુડાસમાનો વીડિયો સોશિયલ મીડિયામાં વાયરલ
"મારા ગામનો યુવાન ધારાસભ્ય બને તો મને શું વાંધો?"
ગુજરાત વિધાનસભાની ચૂંટણીની તડામાર તૈયારીઓ ચાલી રહી છે. ભાજપ, કોંગ્રેસ અને આમ આદમી પાર્ટી પોતની જીતનો દાવો પણ કરી રહી છે. ચૂંટણીમાં ઉમેદવારોનું ચિત્ર પણ સ્પષ્ટ થઈ ગયું છે. ગુજરાત વિધાનસભાની 182 બેઠકો માટે કુલ 1621 ઉમેદવારો મેદાનમાં છે. આપને જણાવી ગતરોજ બીજા તબક્કાની ચૂંટણી માટે ઉમેદવારી ફોર્મ પરત ખેંચવાનો અંતિમ દિવસ હતો. ઉમેદવારી ફોર્મ પરત ખેંચવાના છેલ્લા દિવસે 279 ઉમેદવારોએ ફોર્મ પરત ખેંચ્યા છે. આ બધાની વચ્ચે નેતાઓના અવનવા નિવેદનો સામે આવી રહ્યાં છે. ભાજપ સાંસદ રાજેશ ચુડાસમાએ કોંગ્રેસ ઉમેદવારની તરફેણ કરી છે.
કોંગ્રેસ ઉમેદવારની રાજેશ ચુડાસમાએ કરી તરફેણ
ભાજપ સાંસદ રાજેશ ચુડાસમાએ કોંગ્રેસ ઉમેદવારની તરફેણ કરી છે. તેમણે નામ લીધા વિના વિમલ ચુડાસમાની તરફેણ કરી છે. વિમલ ચુડાસમાની તરફેણ કરતો વીડિયો સોશિયલ મીડિયામાં વાયરલ થયો છે. તેમણે કહ્યું કે, મારા ગામનો યુવાન ધારાસભ્ય બને તો મને શું વાંધો? તેમણે કહ્યું કે, હું તેને ફાયદો ન કરાવું તો કાંઇ નહીં નુકસાન પણ નહીં કરૂં તેમણે એમ જણાવ્યું કે, મારા ગામનો યુવક નેતૃત્વ કરે તે મને પણ પસંદ છે.
સમાજનુ મજબૂત નેતૃ્ત્વ ઉભુ કરોઃ ચુડાસમા
ભાજપના સાંસદ રાજેશ ચુડાસમાના આગાઉ પણ સંબોધનનો વીડિયો વાયરલ થયો હતો. જેમાં તેઓ આક્રોશમાં જોવા મળ્યા હતા. અને સમાજને વેધક ટકોર કરી રહ્યા હતા. ગીર સોમનાથના એક કાર્યક્રમમાં સભાને સંબોધતા તેમણે કહ્યુ હતુ કે, 2017માં 7 વિધાનસભા બેઠકો પર હારવાનો કાળો દાગ મારી પર લાગ્યો છે. સમાજમાં મજબૂત નેતૃત્વ ઉભુ કરવાની જરૂર છે તેવી તેમણે પોતાના સમાજને ટકોર કરી હતી. જૂનાગઢના સાંસદ રાજેશ ચુડાસમાં ગીર સોમનાથ ભાજપના ઉમેદવારના પ્રચાર માટે પહોંચ્યા હતા. જ્યાં ભાજપ ઉમેદવારના કાર્યાલયના પ્રારંભમાં 2017માં બેઠકો હારવા મુદ્દે રાજેશ ચુડાસમાનો આક્રોશ સામે આવ્યો હતો. આ વેળાએ તેઓ સમાજને નેતૃત્વ આપવાના નામે અક્રોશ સાથે ધમકી ભર્યા અંદાજમાં મત આપવા આપીલ કરતા જોવા મળ્યા હતા.