લોકસભાની ચૂંટણી જેમ જેમ નજીક આવતી જાય છે તેમ તેમ બંને દિગ્ગજ પક્ષો ભાજપ અને કોંગ્રેસ પોતપોતાના ઉમેદવારોને લઇને મંથન કરી રહ્યા છે, જ્યારે ભાજપ સામે 13 બેઠકો પર પોતાના ઉમેદવારને લઇને કોંગ્રેસ મુંઝવણમાં છે.
કોંગ્રેસમાં બાકી રહેલી 13 બેઠકોના ઉમેદવારો પર મહામંથન ચાલી રહ્યું છે. ત્યારે હવે ભાજપ સામે સક્ષમ ઉમેદવારની શોધમાં કોંગ્રેસનું કોકડું ગૂંચવાયું છે. આજે દિલ્હી ખાતે કોંગ્રેસની CECની બેઠક મળશે અને આ બેઠકમાં જ બાકી રહેલા ઉમેદવારના નામ પર નિર્ણય કરાશે.
મળતી માહિતી મૂજબ બનાસકાંઠાથી પરથી ભટોળ અને ગોવા રબારીના નામ પર ચર્ચા થઇ રહી છે. જ્યારે મહેસાણા બેઠક પર એ.જે.પટેલ અને રાજેશ પટેલનું નામ આગળ આવી રહ્યું છે.