ગુજરાત વિધાનસભાની ચૂંટણીની ધમધમાટ વચ્ચે વડોદરાની ડભોઇ બેઠકના કોંગ્રેસ ઉમેદવાર બાલકૃષ્ણ પટેલનો વીડિયો વાયરલ થયો છે. જેમાં તેઓ રૂપિયા વહેંચતા જોવા મળી રહ્યા છે.
કોંગ્રેસ ઉમેદવારે રૂપિયા વહેંચ્યા
બાલકૃષ્ણ પટેલનો વીડિયો વાયરલ
ભાયલી ગામે પ્રચારમાં રૂપિયાની વહેંચણી
ગુજરાત વિધાનસભાની ચૂંટણીને આંગળીના વેઢે ગણી શકાય એટલા દિવસો જ બાકી રહ્યા છે. તમામ રાજકીય પક્ષો મતદારોને આકર્ષવા માટે અવનવા પેતરા અજમાવી રહ્યા છે. એવામાં ચૂંટણી પહેલા વાયરલ થયેલા એક વીડિયોથી ગુજરાતનું રાજકારણ ગરમાયું છે.
વાયરલ વીડિયોથી ગરમાયું રાજકારણ
ગુજરાત વિધાનસભાની ચૂંટણીના દિવસો જેમ જેમ નજીક આવી રહ્યા છે. તેમ તેમ ઉમેદવારો દ્વારા પ્રચારના શ્રી ગણેશ કરી દેવામાં આવ્યા છે. ત્યારે ઉમેદવારો પ્રચાર માટે અને મતદારોને રિઝવવા માટે અવનવા નુસખાઓ અપનાવી રહ્યા છે. એવામાં વડોદરા જિલ્લામાંથી વાયરલ થયેલા એક વીડિયોથી હડકંપ મચી ગયો છે.
બાલકૃષ્ણ પટેલનો રૂપિયા વહેંચતો વીડિયો વાયરલ
વિધાનસભાની ચૂંટણી અગાઉ મતદારોને રૂપિયાની વહેંચણી કરતો એક વીડિયો વાયરલ થયો છે. વાયરલ વીડિયોમાં વડોદરાના ડભોઇ બેઠકના કોંગ્રેસ ઉમેદવાર બાલકૃષ્ણ પટેલ એક ખુલ્લી જીપમાં જોવા મળી રહ્યા છે. તેઓ જીપમાંથી લોકોને રૂપિયા આપી રહ્યા હોવાનું વીડિયોમાં સ્પષ્ટ દેખાઈ રહ્યું છે. ભાયલી ગામે પ્રચાર દરમિયાન કોંગ્રેસ ઉમેદવાર બાલકૃષ્ણ પટેલે રૂપિયા વહેંચ્યા હોવાનું કહેવામાં આવી રહ્યું છે. આ વીડિયોની VTV ન્યૂઝ પુષ્ટી કરતું નથી.