BIG NEWS / રાહુલ ગાંધીના ઈનકાર બાદ આ સિનિયર નેતાને અધ્યક્ષ બનાવી શકે છે કોંગ્રેસ, ગુજરાતમાં સંભાળી ચૂક્યા છે જવાબદારી

• કોંગ્રેસના નવા અધ્યક્ષ બનાવાની પ્રક્રિયાને લઈને ફરી ચર્ચા શરૂ થઈ
• જો રાહુલ ગાંધી ના પાડશે તો આ નેતાને બનાવી શકે છે અધ્યક્ષ
• રાહુલ ગાંધી-પ્રિયંકા ગાંધીને પણ આ જવાબદારી સોંપવા રાજી નથી

કોંગ્રેસના સૂત્રો દ્વારા હાલમાં એક મોટા સમાચાર સામે આવી રહ્યા છે. સૂત્રોના જણાવ્યા અનુસાર જો રાહુલ ગાંધી કોંગ્રેસ અધ્યક્ષ બનવાની ના પાડે તો, પાર્ટી અશોક ગહેલોતને કોંગ્રેસના અધ્યક્ષ બનાવી શકે છે. હકીકતમાં પાર્ટી સૂત્રોનું કહેવુ છે કે, રાહુલ ગાંધી હજૂ પણ કોંગ્રેસ પાર્ટીની કમાન સંભાળવામાં કચવાટ અનુભવી રહ્યા છે. સંગઠન ચૂંટણીની પ્રક્રિયા ચાલી રહી છે. સપ્ટેમ્બર/ ઓક્ટોબરમાં નવા અધ્યક્ષ ચૂંટવાનો સમય નક્કી કરવામા આવશે. પણ રાહુલ ગાંધીએ ગજૂ સુધી સ્પષ્ટ જવાબ આપ્યો નથી. કોંગ્રેસ વર્કિંગ કમિટીની બેઠકમાં અધીર રંજન ચૌધરીના સવાલ પર રાહુલ ગાંધીએ અધ્યક્ષ પદ સંભાળવાની સંભાવના પર વિચાર કરવા માટે કહ્યુ હતું. 

તેથી જ તો પાર્ટી અશોક ગહેલોતના નામ પર વિચાર કરી રહી છે. છેલ્લા કેટલાક દિવસથી દિલ્હીમાં પાર્ટીના મામલોમાં તેમની સક્રિયતા વધી છે. જો કે, અશોક ગહેલોત રાજસ્થાનના મુખ્યમંત્રી પદ છોડવા નથી માગતા. પણ પાર્ટીમાં મંથન ચાલી રહ્યું છે અને રાહુલ ગાંધીને મનાવાની કોશિશ થઈ રહી છે. પણ જો રાહુલ ગાંધી ફાઈનલી ના પાડશે તો, રાજસ્થાનના મુખ્યમંત્રી અશોક ગહેલોતને અધ્યક્ષ બનાવાની સંભાવના પર વિચાર થઈ રહ્યો છે. 

ચૂંટણીનું શિડ્યૂલ જાહેર કરી શકે છે

20 ઓગસ્ટથી 20 સપ્ટેમ્બરની વચ્ચે કોંગ્રેસ અધ્યક્ષ ચૂંટણીની પ્રક્રિયાનું શિડ્યૂલ જાહેર થઈ શકે છે. સૂત્રોના જણાવ્યા અનુસાર રાહુલ ગાંધીએ જ્યારે પદ છોડ્યું હતુ, ત્યારે પાર્ટી માટે ગાંધી પરિવારથી ઈતરની વકિલાત કરી હતી. 

ત્યાર બાદ પૂર્વ કેન્દ્રીય મંત્રી મુકુલ વાસનિકનું નામ અધ્યક્ષ તરીકે ઉભરી આવ્યું હતું. પણ કેટલાય બાકીના નેતાઓએ સોનિયા ગાંધીના નામની ભલામણ કરીને વચગાળાના અધ્યક્ષ બનાવવા માટે રાજી થયાં.

પ્રિયંકાને પણ નથી બનાવવા માગતા રાહુલ ગાંધી

સૂત્રોનું એવુ પણ કહેવુ છે કે, હવે ફરીથી રાહુલ ગાંધીને મનાવાની કોશિશ થશે. તેમના નહીં માનવા પર ગાંધી પરિવારથી ઈતર રાજસ્થાનના સીએમનું જોર શોરથી ચર્ચામા આવ્યું છે. પણ તેઓ મુખ્યમંત્રી પદ છોડવા માગતા નથી. ગાંધી પરિવારથી ઈતર નામને લઈને રાહુલ ગાંધી પોતાની બહેન પ્રિયંકા ગાંધી વાડ્રાને પણ અધ્યક્ષ પદ પર જોવા નથી માગતા. ત્યારે આવા સમયે કોંગ્રેસની કમાન કોના હાથમાં તે સૌથી મોટો સવાલ છે.