રાજકોટ ખાતે કોંગ્રેસની યાદીમાં પશ્ચિમ અને પૂર્વ બેઠકમાં ઉમેદવારના નામ હજુ જાહેર કરવાના બાકી છે. ત્યારે આ બંને બેઠકને લઇને કોંગ્રેસનો પેચ ફસાયો છે.
રાજકોટની બે બેઠકોને લઇને કોંગ્રેસમાં અવઢવ
પશ્ચિમ અને પૂર્વ બેઠકમાં ઉમેદવાર જાહેર કરવાના બાકી
ઇન્દ્રનીલ રાજ્યગુરુ પૂર્વના ઉમેદવાર બનવા તૈયાર થતા કોંગ્રેસની મૂંઝવણ વધી
ગુજરાત વિધાનસભા ચૂંટણીને અનુલક્ષી AAP-કોંગ્રેસ બાદ હવે ભાજપે પણ 160 ઉમેદવારોનું લિસ્ટ જાહેર કરી દીધું છે. ત્યારે ગઇકાલે મોડી રાત્રે કોંગ્રેસે પણ વધુ 46 ઉમેદવારોની બીજી યાદી જાહેર કરી દીધી છે. પરંતુ પક્ષમાં કોઇ વિખવાદ ન થાય એ માટે પાર્ટીએ રાજકોટની 2 સીટના નામ જાહેર ન કર્યા.
રાજકોટની પશ્ચિમ અને પૂર્વ બેઠકને લઇ અવઢવ
કોંગ્રેસે રાજકોટ બેઠકની 2 સીટમાંથી તાત્કાલિક સિંગલ નામ મંગાવ્યા છે. એ માટેની સૌરાષ્ટ્ર ઇન્ચાર્જ રામકિશન ઓઝાને જવાબદારી સોંપાઈ છે. નામ જાહેરાત બાદ કોઈ ડેમેજ ન થાય એ માટે કોંગ્રેસ સતર્ક છે. મહત્વનું છે કે, રાજકોટની 2 બેઠક માટે કોંગ્રેસનો પેચ ફસાયો છે. કોંગ્રેસની યાદીમાં પશ્ચિમ અને પૂર્વ બેઠકમાં ઉમેદવાર જાહેર કરવાના બાકી છે. પશ્ચિમ બેઠકમાં કોંગ્રેસના ગોપાલ અનડકટના નામની પસંદગીને લઈ અવઢવ છે જ્યારે પશ્ચિમ બેઠકમાં મનસુખ કાલરિયાના નામની પસંદગીને લઈને અવઢવ છે. રાજકોટ પૂર્વ બેઠક પર ઇન્દ્રનીલ રાજ્યગુરુનું નામ ચમક્યું
છે તો પૂર્વ બેઠક પર અગાઉ પૂર્વ મેયર અશોક ડાંગરનું પણ નામ હતું. ત્યારે ઇન્દ્રનીલ રાજ્યગુરુ પૂર્વના ઉમેદવાર બનવા તૈયાર થતા કોંગ્રેસની મૂંઝવણ વધી છે.
ઉલ્લેખનીય છે કે, ગુજરાત વિધાનસભાની ચૂંટણીની તારીખો જાહેર થઈ ગઈ છે. ગુજરાતમાં 1 અને 5 ડિસેમ્બરના રોજ બે તબક્કામાં ચૂંટણી યોજાશે. ત્યારે ચૂંટણી જીતવા માટે ભાજપ-કોંગ્રેસ અને AAP વચ્ચે ઉમેદવારોની પસંદગીને લઇ ભારે રસાકસીનો માહોલ જામ્યો છે. ત્યારે ભાજપે પણ હવે 160 બેઠકો પર ઉમેદવારોના નામ જાહે કરી દીધા છે જ્યારે AAPએ પણ લગભગ 170થી વધુ બેઠકો પર મુરતિયાઓ મેદાનમાં ઉતાર્યા છે. ત્યારે કોંગ્રેસે અગાઉ જાહેર કરેલી 43 ઉમેદવારોની યાદી બાદ ગઇકાલે મોડી રાત્રે વધુ એક બીજી યાદી જાહેર કરી દીધી છે. જેમાં વધુ 46 ઉમેદવારોના નામ પર સત્તાવાર જાહેરાત કરાઇ છે.
ગાંધીનગર દક્ષિણ
હિમાંશુ પટેલ
ખેરાલુ
મુકેશ દેસાઈ
અંજાર
રમેશ ડાંગર
ગાંધીધામ
ભરત સોલંકી
ડીસા
સંજય રબારી
પોરબંદર
અર્જૂન મોઢવાડિયા
એલિસબ્રિજ
ભીખુભાઈ દવે
સયાજીગંજ
અમી રાવત
કડી
પ્રવિણ પરમાર
હિંમતનગર
કમલેશ પટેલ
ઈડર
રમાભાઈ સોલંકી
ઘાટલોડિયા
અમિબેન યાજ્ઞિક
અમરાઈવાડી
ધર્મેન્દ્ર પટેલ
દસક્રોઈ
ઉમેદી ઝાલા
રાજકોટ દક્ષિણ બેઠક
હિતેશ વોરા
રાજકોટ ગ્રામ્ય
સુરેશ ભટવાર
જસદણ
ભોલાભાઈ ગોહિલ
લીમખેડા
રમેશભાઈ ગુંડીયા
જામનગર ઉત્તર
બિપેન્દ્રસિંહ જાડેજા
કુતિયાણા
નાથાભાઈ ઓડેદરા
માણાવદર
અરવિંદ લાડાણી
મહુવા
કનુભાઈ કલસરિયા
નડિયાદ બેઠક
ધ્રુવલ પટેલ
મોરવાહડફ બેઠક
સ્નેહલતાબેન ખાંટ
ફતેપુરા બેઠક
રઘુ મચાર
ઝાલોદ
મિતેશ ગરાસીયા
સંખેડા
ધીરુભાઈ ભીલ
અકોટા બેઠક
ઋત્વિક જોશી
રાવપુરા
સંજય પટેલ
માંજલપુર
ડૉ.તસ્વિનસિંહ
ઓલપાડ
દર્શન નાયક
કામરેજ
નિલેશ કુંભાણી
વરાછા રોડ
પ્રફુલ તોગડિયા
કતારગામ
કલ્પેશ વરિયા
સુરત પશ્ચિમ
સંજય પટવા
બારડોલી
પન્નાબેન પટેલ
મહુવા
હેમાંગીની ગરાસીયા
ડાંગ
મુકેશ પટેલ
જલાલપોર
રણજીત પંચાલ
ગણદેવી બેઠક
શંકરભાઈ પટેલ
પારડી
જયેશ્રી પટેલ
કપરાડા
વસંત પટેલ
ઉમરગામ
નરેશ વલ્વી
અગાઉ 43 ઉમેદવારોની પ્રથમ યાદી કરાઇ હતી જાહેર
આશરે 6 દિવસ આગાઉ ગુજરાત વિધાનસભા ચૂંટણીને લઇને કોંગ્રેસે પ્રથમ યાદી કરી જાહેર કરી હતી. જેમાં કોંગ્રેસે પ્રથમ યાદીમાં 43 ઉમેદવારના નામ કર્યા જાહેર કર્યાં હતા. આ યાદીમાં અર્જૂન મોઢવાડિયા, ભીખુભાઈ દવે, હિતેશ વોરા સહીતના ઉમેદવારોના નામની જાહેરાત કરવામાં આવી છે. ત્યારે આજે વધુ ઉમેદવારોના નામની યાદી જાહેર કરવામાં આવી છે. ગુજરાત ચુંટણીને પગલે આજે ભાજપે 160 ઉમેદવારોનું લિસ્ટ જાહેર કરી દીધું છે. અગાઉ કોંગ્રેસ પ્રમુખ જગદીશ ઠાકોરએ નિવેદન આપ્યું હતું. ભાજપની યાદી જાહેર થઈ છે. હવે અમારી યાદી પણ જાહેર કરવામાં આવશે. જેને લઇને આજે યાદી જાહેર કરી છે.