બાદબાકી / EXCLUSIVE: આ વર્ષે ગુજરાત કોંગ્રેસના કયા દિગ્ગજ નેતાઓના પત્તા કપાઇ શકે? નામ જાણી ચોંકી જશો

• રાજકીય પક્ષોએ શરૂ કરી ચૂંટણીની તૈયારી
• કોંગ્રેસ ઉમેદવારોની યાદી કરી રહ્યું છે તૈયાર
• અનેક સીટિંગ MLAની કપાઇ શકે છે ટિકિટ

કોંગ્રેસના 1 ડઝન ધારાસભ્યોની ટિકિટ કપાઈ શકે

ભાજપની જેમ કોંગ્રેસ પણ હવે ઉમેદવારોની યાદી તૈયાર કરી રહી છે. જેમાં કોંગ્રેસના અનેક સીટિંગ MLAની ટિકિટ કપાઈ શકે છે. 1 ડઝન જેટલાં કોંગ્રેસના ધારાસભ્યોની ટિકિટ કપાઈ શકે છે. ઘણા ધારાસભ્યોની ઉંમર થઇ ગઈ હોવાના કારણે ટિકિટ કપાશે. કેટલાં MLAની પક્ષમાં સારી કામગીરી નથી તેની પણ નોંધ લેવાઈ છે. યુવા અને પીઢ બંને ચહેરાઓનું જિલ્લાઓમાં કોમ્બિનેશન બનશે.

ભરત ઠાકોર અલ્પેશ ઠાકોરના જૂથના નેતા હોવાના કારણે ટિકિટ કપાઈ શકે

ધાનેરા બેઠક પરથી નાથા પટેલની ટિકિટ કપાઈ શકે છે. નાથા પટેલની જગ્યાએ અન્ય ચેહરાને પણ સ્થાન અપાઈ શકે છે. પાલનપુર બેઠક પરથી મહેશ પટેલની ટિકિટ કપાવાની શક્યતા છે.
તો મહેશ પટેલની જગ્યાએ પણ અન્ય દાવેદારોને સ્થાન અપાઈ શકે છે. બેચરાજી બેઠક પરથી ભરત ઠાકોરની ટિકિટ કપાવાની શક્યતા છે. ભરત ઠાકોર અલ્પેશ ઠાકોરના જૂથના નેતા હોવાના કારણે ટિકિટ કપાઈ શકે છે.

છોટા ઉદેપુર બેઠક પરથી મોહનસિંહ રાઠવાની ટિકિટ કપાવાની શક્યતા

ભિલોડા બેઠક પરથી અનીલ જોશીયારાની ટિકિટ કપાવાની શક્યતા છે. અનિલ જોષીયારાની તબિયત નાદુરસ્ત હોવાથી ટિકિટ કપાઈ શકે છે. વિરમગામ બેઠક પરથી લાખા ભરવાડની ટિકિટ કપાવાની શક્યતા છે. વિરમગામથી પાટીદાર ઉમેદવાર કોંગ્રેસ ઉતારે તેવી શક્યતા છે. જૂનાગઢ બેઠક પરથી ભીખા જોશીની ટિકિટ કપાવાની શક્યતા છે. જૂનાગઢથી પણ પાટીદાર ઉમેદવારને પાર્ટી લડવાના મૂડમાં છે. કપડવંજ બેઠક પરથી કાળુ ડાભીની ટિકિટ કપાવાની શક્યતા છે. છોટા ઉદેપુર બેઠક પરથી મોહનસિંહ રાઠવાની ટિકિટ કપાવાની શક્યતા છે. મોહનસિંહ રાઠવાના બદલે તેના પરિવારમાંથી કોઈને ટિકિટ અપાઈ તેવી શક્યતા સેવાઇ રહી છે. તો જંબુસર બેઠક પરથી સંજય સોલંકીની ટિકિટ કપાવાની શક્યતા છે. સ્થાનિક સંગઠન અને પ્રદેશના નેતાઓ વચ્ચે તાલમેલના અભાવના કારણે ટિકિટ કપાઈ શકે છે.