વિધાનસભાની ચૂંટણીના પડઘમ વાગી રહ્યાં છે. ત્યારે છાશવારે કોંગ્રેસમાં ગાબડા પડી રહ્યાં છે. ગાંધીનગર મહેસાણા સહિત સંખ્યાબંધ જિલ્લામાં કોંગ્રેસમાંથી ભાજપમાં આગેવાનોનો પ્રવાહ જઈ રહ્યો છે. ત્યારે રાજકોટ જિલ્લા કોંગ્રેસમાં મોટું ભંગાણ પડ્યું છે. રાજકોટ તાલુકા કોંગ્રેસ પ્રમુખ સંજય ખૂંટ તથા લોધીકા તાલુકા કોંગ્રેસ પ્રમુખ મયુરસિંહ જાડેજાએ તેમના રાજીનામાં પ્રદેશ પ્રમુખને મોકલી આપ્યાં છે.
આ અંગે પ્રાપ્ત માહિતી અનુસાર, રાજકોટ તાલુકાના અને લોધીકા તાલુકાના સંખ્યાબંધ હોદ્દેદારો, તાલુકા પંચાયતના સભ્યો, જિલ્લા કોંગ્રેસ સમિતિના અમુક હોદ્દેદારો છેલ્લા થોડા સમયથી કોંગ્રેસથી નારાજ હોવાનું મનાતુ હતું ત્યારે તાકડેજ બે તાલુકાના મુખ્ય આગેવાનોએ રાજીનામું આપી દેતાં ગુજરાતની વિધાનસભા પહેલા ફરી એકવાર ગાબડુ પડ્યું છે.
પ્રદેશ કોંગ્રેસ પ્રમુખ અને રાજકોટ જિલ્લા કોંગ્રેસ પ્રમુખને પત્ર લખી જાણ કરી
ચર્ચાઈ રહ્યું છે કે,રાજકોટ તાલુકા કોંગ્રેસ પ્રમુખ સંજય ખૂંટ તથા લોધીકા તાલુકા કોંગ્રેસ પ્રમુખ મયુરસિંહ જાડેજાએ આક્ષેપ કર્યા છે કે,છેલ્લા કેટલાક સમયથી પોતાના કામોની નોંધ ન લેવાતું હતું જેને લઈને તેઓ કોંગ્રેસ પક્ષથી નારાજગી દર્શાવી હતી.આમ આજે સવારે રાજકોટ જિલ્લા કોંગ્રેસ પ્રમુખને પત્ર લખી જાણ કરી બંને પ્રમુખોએ રાજીનામું ધરી દીધુ