અમદાવાદ ભાજપ-કોંગ્રેસના નેતાઓ વચ્ચે ઘમાસાણ શરૂ થઈ ગયુ છે. ત્યારે સોશિયલ મીડિયામાં કોરોનાના આંકડા છુપાવવા અંગે એકબીજા પર આક્ષેપ પ્રતિ આક્ષેપ થઈ રહ્યા છે. સોશિયલ મીડિયામાં ઈમરાન ખેડાવાલા અને ભૂષણ ભટ્ટ એકબીજા સામ સામે આવી ગયા હતા.
અમદાવાદના કોટ વિસ્તારના ભાજપ-કોંગ્રેસના નેતાઓ વચ્ચે વૉર
જમાલપુરના કોંગ્રેસના ધારાસભ્ય ઈમરાન ખેડાવાલાના આક્ષેપ પછી જવાબ
અમદાવાદના કોટ વિસ્તારના ભાજપ-કોંગ્રેસના નેતાઓ વચ્ચે વૉર ચાલુ થયો છે. અમદાવાદમાં કોરોનાના આંકડા છુપાવતા હોવાનો ખેડાવાલાનો આરોપ લગાવ્યો છે. જમાલપુરના કોંગ્રેસના ધારાસભ્ય ઈમરાન ખેડાવાલાના આક્ષેપ સામે જમાલપુરના પૂર્વ ધારાસભ્ય ભૂષણ ભટ્ટે ખેડાવાલાને આ અંગે જવાબ આપ્યો હતો. અને તેમણે જણાવ્યુ હતું કે કોરોનાના ટેસ્ટ ન થાય તે માટે કોંગ્રેસે પ્રયત્નો કર્યા હતાં.
લોકડાઉન સમયે ટેસ્ટ થયા હોત તો આ પરિસ્થિતિ ન હોત. ભૂષણ ભટ્ટે સરકાર અને અધિકારીઓનો પક્ષ લઈને કોંગ્રેસ પર આરોપ કર્યા છે. મહાનગરપાલિકાના અધિકારીઓ માટે ભાજપ-કોંગ્રેસ વહેંચાય ગયા છે. અમદાવાદમાં અત્યાર સુધી કોરોનાના 25 હજારથી વધુ કેસ નોંધાયા છે. તેમજ અમદાવાદમાં 1574 લોકોના કોરોનાથી મોત થઈ ચૂક્યા છે. અમદાવાદના કોટ વિસ્તાર પછી નવા અમદાવાદમાં કોરોનાનો જબરજસ્ત ફેલાવો થયો છે. અમદાવાદ શહેરની નાજૂક સ્થિતિ વચ્ચે ભાજપ-કોંગ્રેસનું ટ્વીટર વૉર ચાલુ થયું છે.