રાફેલ જેટ બનાવનારી ફેન્ચ કંપની દર્સા એવિએશનના ઓફસેટ જવાબદારીને લઈને આવેલા કન્ટ્રોલર એન્ડ ઓડિટર જનરલ ઓફ ઈન્ડિયાના રિપોર્ટ પર કોંગ્રેસે મોદી સરકાર પર તીખા પ્રહાર કર્યા છે. પાર્ટી પ્રવક્તા રણદીપ સુરજેવાલાએ ગુરુવારે ટ્વીટ કરી પ્રહાર કરતા કહ્યું કે આ મામલો મેક ઈન ઈન્ડિયાની જગ્યાએ મેક ઈન ફ્રાન્સ છે. તેમણે એક ટ્વીટમાં લખ્યું છે કે સૌથી મોટી ડીલની ક્રોનોલોજી સામે આવી રહી છે.
પાર્ટી પ્રવક્તા રણદીપ સુરજેવાલાએ ગુરુવારે ટ્વીટ કરી સરકાર પર કર્યા પ્રહાર
સુરજેવાલાએ કહ્યું આ મામલો મેક ઈન ઈન્ડિયાની જગ્યાએ મેક ઈન ફ્રાન્સ છે
રાફેલની કંપની દસોલ્ટે ઓફસેટ નિયમ પાળ્યા નથી
CAGએ રક્ષા મંત્રાલયની આલોચના પણ કરી
Chronology of biggest Defense deal continues to unfold.
The new CAG report admits that ‘technology transfer’ shelved in #Rafale offsets.
CAGની સામે આવેલી રિપોર્ટમાં એવું સ્વીકારવામાં આવ્યું છે કે ઓફસેટમાં ટેક્નોલોજી ટ્રાન્સફરની વાતને નેવે મુકી દેવામાં આવી છે. પહેલા મેક ઈન ઈન્ડિયા, મેક ઈન ફ્રાન્સ બની ગયુ છે. હવે ડીઆરડીઓએ ટેક ટ્રાન્ફરને સાઈડ કરી દીધું છે અને મોદી જી કહી રહ્યા છે ‘સબ ચંગા સી.’
ઉલ્લેખનીય છે કે CAGએ સંસદમાં રજુ કરવામાં આવેલી પોતાની એક રિપોર્ટમાં મોટો ખુલાસો કર્યો છે અને કહ્યું છે કે રાફેલની કંપની દસોલ્ટે ઓફસેટ નિયમ પાળ્યા નથી. રાફેલ મામલે CAGએ રક્ષા મંત્રાલયની આલોચના પણ કરી છે. CAGએ કહ્યું રક્ષા મંત્રાલયે નીતિ-કાર્યાન્વયનની સમીક્ષા કરવાની જરૂર છે. દસોલ્ટ એવિએશ દ્વારા રાફેલ ડીલમાં શરતોનું પાલન કરવામાં આવ્યુ નથી. ઓફસેટની શરતોનું પાલન નથી કરાઇ રહ્યું. કરાર દરમિયાન દસોલ્ટ અને MBDA વચ્ચે સહમતિ થઇ હતી. હજૂ સુધી ટેક્નોલોજી ટ્રાન્સફર કન્ફર્મં નથી થયું. તેમજ DRDOને ઉચ્ચશ્રેણીની ટેક્નીક આપવાનો કરાર હતો. હાલ DRDOને નાના લડાકુ વિમાનો માટે ટેકનિકની જરૂર છે. જોકે હજું સુધી દસોલ્ટે કંઈ જ સ્પષ્ટ કર્યુ નથી.