મહારાષ્ટ્ર વિધાનસભા ચૂંટણીને લઇને હાલ કોંગ્રેસમાં કવાયત જોવા મળી રહી છે. જેને લઇને ગૂરૂવારે પાર્ટીએ પાંચ વરિષ્ઠ નેતાઓને રાજ્યના વિભિન્ન ક્ષેત્રોના ચૂંટણી પ્રભારી બનાવ્યાં છે.
આ અગાઉ યુપીમાં લોકસભાની ચૂંટણીમાં બે પ્રભારી બનાવ્યાં હતા
મહારાષ્ટ્ર અને હરિયાણામાં ઓક્ટોબરમાં યોજાઇ શકે છે વિધાનસભા ચૂંટણી
ઓલ ઇન્ડિયા કમિટીએ પ્રસ્તાવને આપી મંજૂરી
આગામી ઓક્ટોબર મહિનામાં મહારાષ્ટ્ર વિધાનસભાની ચૂંટણીની શક્યતાઓ વચ્ચે કોંગ્રેસ દ્વારા 5 વરિષ્ઠ નેતાઓને રાજ્યની ચૂંટણી કમાન સોંપવામાં આવી છે. આમ રાજ્યની વિધાનસભાની ચૂંટણીને લઇને કોંગ્રેસે તૈયારીઓ શરૂ કરી દીધી છે. આ પ્રસ્તાવને ઓલ ઇન્ડિયા કોંગ્રેસ કમિટિએ મંજૂરી પણ આપી દીધી છે.
આ પાંચ નેતાઓને સોંપવામાં આવી કમાન
કોંગ્રેસના મહાસચિવે કેસી વેણુગોપાલે કહ્યું કે પાર્ટીના મહાસચિવ મુકુલ વાસનિકને વિદર્ભ ક્ષેત્રના પ્રભારી બનાવ્યાં છે. રાજસ્થાનના પ્રભારી અવિનાશ પાંડેને મુંબઇ અને પાર્ટીના કંટ્રોલ રૂમના પ્રભારી તરીકે નિમણૂંક કરાયાં છે. જ્યારે પાર્ટીના વરિષ્ઠ નેતા રજની પાટિલને પશ્ચમી અને કોંકણ ક્ષેત્રના પ્રભારિ નિયુક્ત કરાયાં છે. જ્યારે આરસી ખુનટિયાને ઉત્તરી ક્ષેત્રની કમાન સોંપવામાં આવી છે. આ પાર્ટીના પગલાને નવી રણનીતિ તરીકે જોવામાં આવી રહી છે.
ચૂંટણી પંચની આજે યોજાશે મહત્વની બેઠક
મહરાષ્ટ્ર અને હરિયાણામાં વિધાનસભા ચૂંટણીના એલાન પહેલા આજરોજ ચૂંટણી પંચની મહત્વની બેઠક યોજાશે. આ બેઠકમાં ત્રણેય આયુક્ત અને આયોગના ઉચ્ચ અધિકારીઓ હાજર રહેશે. આ બેઠક બાદ કોઇપણ સમયે ચૂંટણી કાર્યક્રમની જાહેરાત કરવામાં આવી શકે છે.
2014માં મહારાષ્ટ્ર અને ઝારખંડ આ તારીખે યોજાઇ હતી ચૂંટણી
સૂત્રોને મળતી જાણકારી મુજબ દિવાળી અગાઉ મહારાષ્ટ્ર અને ઝારખંડમાં મતદાન અને મતગણતરીની પ્રક્રિયા પૂરી કરવામાં આવે તેવી શક્યતા છે. વર્ષ 2014માં બંને રાજ્યો માટે ચૂંટણીની તારીખનું એલાન 20 સપ્ટેમ્બરના રોજ થયું હતું. 15 ઓક્ટોબરે મતદાન અને 19 ઓક્ટોબરે મતગણતરી યોજાઇ હતી. જ્યારે 23 ઓક્ટોબરના રોજ દિવાળી હતી. જ્યારે ઝારખંડમાં 25 નવેમ્બરથી 23 ડિસેમ્બર સુધી 5 તબક્કામાં મતદાન યોજાયું હતું.