દિલ્હી વિધાનસભા ચૂંટણી 2020 માટે કોંગ્રેસે 54 ઉમેદવારોનું પહેલું લિસ્ટ જાહેર કર્યું છે. ઉમેદવારોની પસંદગીને લઇને શનિવારે સીઇસીની બેઠક યોજાઇ હતી. માત્ર 4 કલાક પહેલા આમ આદમી પાર્ટી છોડીને કોંગ્રેસમાં સામેલ થયેલા આદર્શ શાસ્ત્રીને દ્વારકાથી ટિકિટ આપવામાં આવી છે. તેઓ પૂર્વ વડાપ્રધાન લાલ બહાદુર શાસ્ત્રીના પૌત્ર છે.
દિલ્હી વિધાનસભા ચૂંટણી 2020 માટે કોંગ્રેસે 54 ઉમેદવારોનું પહેલું લિસ્ટ જાહેર કર્યું
આ પહેલા શુક્રવારે ભાજપે પોતાના 57 ઉમેદવારોના નામનું પહેલુ લિસ્ટ જાહેર કર્યું
આ સિવાય આપ પાર્ટીના ધારાસભ્ય રહેલા અલકા લાંબાને ચાંદની ચોક, કીર્તિ આઝાદની પત્ની પૂનમને સંગમ વિહારથી ટિકિટ મળી છે. જ્યારે શીલા દીક્ષિત સરકારમાં મંત્રી રહેલા બંને નેતાઓ અરવિન્દર સિંહ લવલીને ગાંધીનગર અને હારુન યૂસુફને બલ્લીમારાનથી મેદાનમાં ઉતારવામાં આવ્યા છે.
दिल्ली विधानसभा चुनाव के उम्मीदवारों की सूची।
सभी उम्मीदवारों को हार्दिक बधाई व शुभकामनाएं।
आप सब पूरी मेहनत के साथ दिल्ली मे काँग्रेस का परचम लहराएंगे ऐसी हम कामना करते हैं।
આ પહેલા શુક્રવારે ભાજપે પોતાના 57 ઉમેદવારોના નામનું પહેલુ લિસ્ટ જાહેર કર્યું હતું. જ્યારે દિલ્હીના મુખ્યમંત્રી અરવિંદ કેજરીવાલની પાર્ટી આમ આદમી પાર્ટીએ પણ તમામ 70 બેઠકો પરના ઉમેદવારના નામ જાહેર કરી દીધા છે. મુખ્યમંત્રી અરવિંદ કેજરીવાલ નવી દિલ્હી બેઠક પરથી ચૂંટણી લડી રહ્યા છે.
નોંધનીય છે કે, 70 બેઠકો માટે 8 ફેબ્રુઆરીએ મતદાન થશે, જ્યારે 11 ફેબ્રુઆરીએ પરિણામ જાહેર કરાશે.