કોંગ્રેસે લોકસભા ચૂંટણી માટે સાતમી યાદી જાહેર કરી છે. કોંગ્રેસે વધુ 35 ઉમેદવારોના નામની જાહેરાત કરી છે. કોંગ્રેસે જાહેર કરેલી યાદીમાં યૂપીના ફતેહપુર સિક્રીથી રાજ બબ્બર ચૂંટણી લડશે. આ અગાઉ રાજ બબ્બર યૂપીના મુરાદાબાદથી ચૂંટણી લડવાના હતા.
જો કે રાજ બબ્બર ફતેહપુર સિક્રીથી ચૂંટણી લડવા માગતા હોઈ આ સીટ ફાળવવામાં આવી છે. જ્યારે મુરાદાબાદ સીટ પરથી ઈમરાન પ્રતાપગઢીને મેદાને ઉતારવામાં આવ્યા છે. બીજી તરફ, રેણુકા ચૌધરીને તેલંગાણાના ખમ્મમથી મેદાને ઉતારવામાં આવ્યા છે.
કોંગ્રેસમાં તાજેતરમાં જોડાયેલા પ્રીતા હરિતને આગરાથી ચૂંટણી લડવા માટે ટિકિટ આપી છે. આ સિવાય કોંગ્રેસે ઓરિસ્સાની વિધાનસભાની ચૂંટણી માટે પણ 54 ઉમેદવારોની યાદી જાહેર કરી છે.
કોંગ્રેસે લોકસભા ચૂંટણીને લઇને શુક્રવારે રાત્રે 35 ઉમેદવારોની પોતાની 7મી યાદી જાહેર કરી છે. જેમાં કોંગ્રેસે બે બેઠકમાં ફેરફાર કર્યાં છે. પ્રદેશ અધ્યક્ષ રાજ બબ્બર હવે મુરાદાબાદ બેઠકની જગ્યાએ ફતેહપુર સીક્રીથી ચૂંટણી લડશે. રાજ બબ્બરની જગ્યાએ મુરાદાબાદથી હવે કવિ ઇમરાન પ્રતાપગઢી ચૂંટણી લડશે.