દેશમાં આમ તો મુખ્ય બે પાર્ટીઓ કટ્ટર હરીફ છે, જો કે, તમે એવું ક્યારેય નહીં વિચાર્યું હોય કે, આ બે પાર્ટી એકસાથે મળીને પણ સત્તા ચલાવી શકે છે. જો કે, આવી જ ઘટના મેઘાલયમાં બની છે.
ભાજપ અને કોંગ્રેસે એક ગઠબંધનમાં આપ્યું સમર્થન
સાથે મળીને સરકાર ચલાવવા માટે આપ્યું સમર્થન
વિપક્ષમાં ટીએમસી રહેશે
કહેવાય છે કે રાજકારણમાં કંઈ પણ શક્ય છે. પણ શું કોઈએ વિચાર્યું છે કે, દેશમાં બે સૌથી મોટી પાર્ટીઓ કોંગ્રેસ અને ભાજપ એક સાથે ગઠબંધનમાં ચાલે. હકીકતમાં જોઈએ તો, બે કટ્ટર હરીફ, કોંગ્રેસ અને ભાજપ મેઘાલયમાં હવે એક જ ગઠબંધનમાં છે. મેઘાલયમાં કોંગ્રેસ પાર્ટીના નેચા એમ્પીયરન લિંગદોહના નેતૃત્વમાં તમામ પાંચ કોંગ્રેસ ધારાસભ્યોએ મુખ્યમંત્રી કોનરાડ સંગમાની નેશનલ પીપુલ્સ પાર્ટી અથવા એનપીપીના નેતૃત્વવાળા ગઠબંધનને સમર્થન આપ્યું છે. જેમાં ભાજપ પણ ભાગીદાર છે.
ગઠબંધનમાં બંને પાર્ટીઓએ કર્યું સમર્થન
લિંગદોહે કહ્યું કે, કોંગ્રેસ નેતાઓએ સંગમાને મેઘાલય ડેમોક્રેટિક એલાયંસ અથવા એમડીએમાં શામેલ થવાનો નિર્ણય કર્યો છે. કોંગ્રેસના તમામ પાંચ ધારાસભ્યોએ આજે સંગમા સાથે મુલાકાત કરી અને તેમને પોતાનું સમર્થન પત્ર આપ્યું. એનપીપી અને કોંગ્રેસ પરંપરાગત હરીફ હતા. પણ પશ્ચિમ બંગાળના મુખ્યમંત્રી મમતા બેનર્જીની તૃણમૂલ કોંગ્રેસના 12 ધારાસભ્યો શામેલ થયાં બાદ બંને પાર્ટીઓ નજીક આવી ગઈ છે.
સરકારને મજબૂત બનાવવા માટે સમર્થનમાં આવ્યા
કોંગ્રેસ ધારાસભ્ય દળના નેતા લિંગદોહે પત્રકારોને કહ્યું કે, અમે કોનાર્ડના સંગમાના નેતૃત્વવાળા એમડીએને પોતાનું સમર્થન આપ્યું છે અને આજે અમે સરાકરને મજબૂત કરવા માટે ગઠબંધનમાં શામેલ થઈ ગયા છીએ. અમે સીએલપી સભ્યોને સમર્થન પત્ર પર હસ્તાક્ષર કર્યા અને તેને મેઘાલયના મુખ્યમંત્રીએ આપ્યું છે.
તેમણે કહ્યું કે, અમે એકબીજાના હિતોની રક્ષા કરી રહ્યા છીએ. અમારો મુખ્ય ઉદ્દેશ્ય અમારા મત વિસ્તાર માટે ન્યાયની શોધ કરે છે. અમે એ નક્કી કરવા માટે એમડીએ સરકારનું સમર્થન કરી રહ્યા છીએ. અમારો સંયુક્ત પ્રયાસ રાજ્યના નાગરિકોના હિતમાં આગળ લઈ જશે.
રાજ્યની જનતાના હિત માટે એકસાથે આવ્યા
તેમણે વધુમાં કહ્યું કે, અમે પાંચ ધારાસભ્યોએ આ નિર્ણય કર્યો છે અને અમે સાથે છીએ, કારણ કે અમને હુકમ કરનારા અને અમે ક્યાં ઉભા છીએ, તેના વચ્ચે બહું મોટુ અંતર છે. આ સીએલપીનો નિર્ણય છે. અમે ધારાસભ્યો છીએ, જે લોકોનું પ્રતિનિધિત્વ કરે છે. અમને આશા છે કે, પાર્ટી અને હાઈકમાન્ડ અમારા નિર્ણયનું સમર્થન કરશે.
2018માં સૌથી મોટી પાર્ટી બની હતી કોંગ્રેસ
આપને જણાવી દઈએ કે, 2018માં વિધાનસભા ચૂંટણીમાં કોંગ્રેસ 21 સીટો જીતીને સૌથી મોટી પાર્ટી બનીને ઊભરી હતી. પણ તે પોતાની સરકાર બનાવી શકી નહોતી. ભાજપના નેતૃત્વવાળા નોર્થ ઈસ્ટ ડેમોક્રેકિટક અલાયંસના સહયોગી એનપીપીએ એમડીએ બનાવ્યું અને કોંગ્રેસ પાસેથી સત્તા છીનવી લીધી. મેઘાલય કોંગ્રેસનો ગઢ રહ્યો છે અને મુકુલ સંગમાએ 2010 અને 2018ની વચ્ચે સીએમ તરીકે કારભાર સંભાળ્યો. પણ કોંગ્રેસ અંદર ક્લેશના કારણે ઓગસ્ટમાં ડખ્ખા થયા અને શિલોંગના સાંસદ વિસેંટ પાલાએ મુકુલ સંગમાને સાઈડ કરીને મેઘાલય કોંગ્રેસ કમિટિના અધ્યક્ષ બનાવ્યા. ટીએમસી હવે 60 સભ્યોવાળી મેઘાલય વિધાનસભામાં મુખ્ય વિપક્ષી પાર્ટી છે.