રાજકારણ / કોંગ્રેસના અમિત ચાવડા બોલ્યા, ફાર્મ હાઉસમાં સિક્રેટ મીટીંગની મને પેહલેથી જાણ હતી પરંતુ...

• ફાર્મ હાઉસમાં કોંગ્રેસની ખાનગી બેઠકનું આયોજન
• પ્રદેશ અધ્યક્ષ અમિત ચાવડાને વ્યુહાત્મક રીતે દુર 
• આગામી નેતા વિપક્ષ અને પ્રદેશ પ્રમુખ કોણ ?

ગુજરાત કોંગ્રેસના નેતાઓની એક ખાનગી બેઠક અમદાવાદના એક ખાનગી ફાર્મ હાઉસ ખાતે મળી હતી, અચાનક ખાનગી બેઠક મળતા અનેક તર્કવિતર્ક પણ સર્જાયા છે ગઈ કાલે સાંજે કોળી,ઠાકોર ધારાસભ્યોના ગ્રૃપની એક બેઠક મળી જેમાં કોંગ્રેસ પ્રદેશ પ્રમુખ અમિત ચાવડાને બેઠકમાંથી દૂર રખાયા છે ભરતસિંહ સોલંકીએ આ બેઠક બોલાવી હતી જેમાં પ્રદેશ અધ્યક્ષ અમિત ચાવડાને વ્યુહાત્મક રીતે દુર રખાયા છે. 

પ્રદેશ અધ્યક્ષ અમિત ચાવડાને વ્યુહાત્મક રીતે દુર 

સમગ્ર મામલે અમિત ચાવડાનું નિવેદન સામે આવ્યું છે તેમણે જણાવ્યું છે આ બેઠક અંગે પહેલાથી મને જાણ હતી પક્ષમાં ખોટો સંદેશો ન જાય તે માટે અમિત ચાવડા બેઠકથી દુર રહ્યા હતા તેવું અમિત ચાવડાએ કહ્યું કે ફાર્મ હાઉસમાં સિક્રેટ મીટીંગની મને પેહલેથી જાણ હતી પક્ષના  હિતમાં વ્યુહાત્મક રીતે જ દુર રહેવાનું નિર્દેશ હતા જેથી બેઠકમાં હાજરી આપી શક્યા નહોતા. 

આગામી નેતા વિપક્ષ અને પ્રદેશ પ્રમુખ કોણ ?

બેઠકનો મુખ્ય એજેન્ડા ભરત સોલંકી પોતાની સક્રિયતા કેવી રીતે નોંધાવી શકે અને વધુમાં આગામી સમયમાં પ્રદેશ અધ્યક્ષ અને નેતા વિપક્ષના પદ ખાલી થવા જઈ રહ્યા છે ત્યારે એમની જગ્યાએ હવે કોણ એ નક્કી આગામી સમયામાં થનાર છે ત્યારે આ બંન્નેમાથી એક પદ ઠાકોર અને કોળી જે સભ્યો છે એને આપવામાં આવે તે પ્રકારની માંગ હાલ ધારાસભ્યો દ્વારા કરવામાં આવી રહી છે.   

ફાર્મ હાઉસમાં કોંગ્રેસની ખાનગી બેઠકનું આયોજન

અમદાવાદમાં એક ફાર્મ હાઉસમાં કોંગ્રેસની ખાનગી બેઠકનું આયોજન થયું છે. આ બેઠકમાં કોળી અને ઠાકોર સમાજના નેતાઓ હાજર રહ્યા છે. તો સાથે ભરતસિંહ સોલંકી, જગદીશ ઠાકોર, વિમલ ચુડાસમા બેઠકમાં હાજર છે. ગેનીબેન ઠાકોર, ચંદનજી ઠાકોર, રાજેશ ગોહિલ પણ હાજર છે. ઠાકોર, કોળી અને ઓબીસી સમાજને અન્યાય થતો હોવાનો સુર ઉઠ્યો હતો. અને અચાનક ખાનગી બેઠક મળતા અનેક તર્કવિતર્ક પણ સર્જાયા છે. સાથે પ્રદેશ અધ્યક્ષ અને નેતા વિપક્ષના લોબિંગ માટે પણ બેઠક યોજાઇ હોવાની ચર્ચા સામે આવી છે. ભરતસિંહ સોલંકીના જૂથના નેતાઓ અને ધારાસભ્યોની આ ખાનગી બેઠક અમદાવાદના એક ફાર્મ હાઉસ ખાતે મળી હતી.

મૃતપાય થયેલી કોંગ્રેસને જીવંત કરવા પ્રયત્ન

ગુજરાતમાં દોઢ વર્ષ બાદ વિધાનસભાની ચૂંટણી યોજાવા જઇ રહી છે. ગુજરાતમાં મૃતપાય થયેલી કોંગ્રેસને જીવંત કરવા પ્રયત્ન ચાલી રહ્યા છે. ગુજરાત કોંગ્રેસ અત્યારે નેતૃત્વ વગરની હોય તેમ નેતા વિપક્ષ અને પ્રદેશ પ્રમુખની નામની પસંદગીની ચર્ચાઓએ જોર પકડ્યું છે.