કોંગ્રેસ પ્રવક્તા મનિષ દોશીએ કહ્યું, રોજબરોજ હજારો બોટલો અને લાખો રૂપિયાનો દારૂ ઝડપાય છે, ત્યારે ખબર પડે છે કે, આ તો 1 ટકા દારૂ પણ ઝડપાયો નથી
રાજ્યમાં દારૂ પર રાજકારણ ફરીવાર ગરમાયુ
દારૂબંધી પર ગુજરાત કોંગ્રેસના સરકાર પર પ્રહાર
ગુજરાતમાં નશાબંધીનો કાયદો માત્ર કાગળ પર
રાજ્યમાં દારૂ પર રાજકારણ ફરીવાર ગરમાયું છે. દારૂબંધી પર હવે કોંગ્રેસે સરકાર પર પ્રહાર કર્યા છે. ગુજરાતમાં નશાબંધીનો કાયદો માત્ર કાગળ પર હોવાના આક્ષેપ કર્યા છે. દરરોજ કરોડોનો દારૂ ગુજરાતમાં ઠલવાતો હોવાની વાત કોંગ્રેસ દ્વારા કરવામાં આવી છે. નર્મદા SPએ પત્ર લખેલો કે પોલીસ જ દારૂ ઠાલવવામાં મદદ કરે છે. પાટણના સાંસદનો ઓડિયો પણ જણાવે કે દારૂ મળે છે. અસામાજિક તત્વોનો ચૂંટણી જીતવા ભાજપે દુરુપયોગ કરતા દારૂ વેચાણ વધ્યું છે.
કોંગ્રેસ પ્રવક્તા મનિષ દોશીએ કર્યા સરકાર પર પ્રહાર
કોંગ્રેસ પ્રવક્તા મનિષ દોશીએ કહ્યું, રોજબરોજ હજારો બોટલો અને લાખો રૂપિયાનો દારૂ ઝડપાય છે. ત્યારે ખબર પડે છે કે, આ તો 1 ટકા દારૂ પણ ઝડપાયો નથી. રોજ કરોડો રૂપિયાનો દારુ ગુજરાતમાં ઠલવાઈ રહ્યો છે. પ્રવક્તા મનિષ દોશીએ નર્મદાના SPનો ઉલ્લેખ કરતા કહ્યું કે, તેમણે ખુદ પત્ર લખીને પોલીસ જ અસમાજીક તત્વોનું પાયલોટિંગ કરીને દારૂનો જથ્થા માટે વ્યવસ્થા ગોઠવે છે. આ માટે ખાસ ચેકિંગ થવું જોઈએ. ભરૂચના સાંસદે પણ દારૂ અંગે ખુલાસો કર્યો છે.
સાથે પાટણના સાંસદના ઓડિયોનો પણ ઉલ્લેખ કરે છે. ખુદ સરકારના સાંસદો જ દારૂબંધી વિશે ખુલાસા કરી રહ્યા છે. સરકાર એક તરફ 5 વર્ષની ઉજવણી કરે છે. બીજી તરફ દારૂનો વેપલો બેરોક ટોક થઈ રહ્યો છે. જો સરકારમાં શરમ હોય તો, યુવાનોને નશાની આગમાં ધકેલવામાં રોક લગાવી જોઈએ. વિધાનસભામાં જ સરકારે 200 કરોડ રૂપિયાનો દારૂ ઝડપાયાનો સ્વિકાર કર્યો છે. તેનો મતલબ હકિકતમાં 20 હજાર કરોડનો દારૂ આવે છે. રાજ્યના ગૃહમંત્રીએ પણ પાટણમાં અનેક કેસ થયાનું નિવેદન પણ આપ્યું છે.
ખુદ સાંસદે સ્વીકાર્યું, રાજ્યમાં વેચાય છે દારૂ!
અરજદાર ભરતસિંહને ફોન પર પાટણમાં ખુબ દારૂ વેચાય છે તેવું કહે છે. ત્યારે અરજદારે સાંસદને ફોન પર રજૂઆત કરતા સાંસદ ભડક્યા અને કહ્યું કે આખા ગુજરાતમાં દારૂ વેચાય છે. ત્યારે અરજદારે કહ્યું કે બુટલેગર સાંસદ સુધી હપ્તો આપે છે. ત્યારે સાંસદ ભડક્યા અને કહ્યું કે હું કોઇનો હપ્તો નથી લેતો. બધે બધુ ચાલે છે તે મને ખબર છે. બે વર્ષ પછી દારૂનો છાંટો પણ નહીં મળે.