ગુજરાત કોંગ્રેસના કાર્યકારી અધ્યક્ષ બનતા જ યુવા નેતા હાર્દિક પટેલે સોશિયલ મીડિયામાં પોતાના એક ટ્વીટને લઇને ટ્રોલ થવાનો વારો આવ્યો છે. ટ્વિટમાં તેણે કંઈક એવું લખ્યું કે લોકોએ તેને ટ્રોલ કર્યો હતો. જો કે આ ઘટના બાદ, હાર્દિક પટેલે પોતાનું ટ્વિટ ડિલીટ કરવું પડ્યું હતું. આ ટ્વિટમાં તેમણે 2022 માં ગુજરાતમાં કોંગ્રેસની સરકાર બનાવવાની વાત કરી હતી.
હાર્દિક પટેલે ભાંગરો વાટ્યો
2022માં 1/3 બહુમતી સાથે સરકાર બનાવશે કોંગ્રેસ
વિવાદ થતા હાર્દિક પટેલે ટ્વીટ ડિલીટ કર્યુ
ઉલ્લેખનીય છે કે, હાર્દિક પટેલે ગુજરાત કોંગ્રેસના કાર્યકારી અધ્યક્ષ પદે નિયુક્ત કરવા બદલ કોંગ્રેસ અધ્યક્ષ સોનિયા ગાંધી અને રાહુલ ગાંધીનો આભાર માન્યો હતો. આ સાથે જ હાર્દિકે લખ્યું કે, 2022ની વિધાનસભા ચૂંટણીમાં ગુજરાતમાં કોંગ્રેસ એક તૃતિયાંસ બહુમતિ સાથે સરકાર બનાવશે.
ટ્વીટમાં હાર્દિકે ભાંગરો વાટ્યો
હાર્દિક પટેલે ટ્વીટ કર્યું હતું કે, "હું માનનીય અધ્યક્ષા સોનિયા ગાંધીજી અને રાહુલ ગાંધીજીનો આભાર માનું છું, કોંગ્રેસ પાર્ટી લોકશાહી અને સંવિધાનના સંરક્ષણ માટે લડત આપશે. ગુજરાતના વિવિધ મુદ્દાઓને મહત્વ આપવામાં આવશે અને 2022 ની ગુજરાત વિધાનસભાની ચૂંટણીઓમાં 1 / 3 કોંગ્રેસ બહુમતીથી સરકાર બનાવશે. "
સરકાર બનાવવા માટે અડધાથી વધુ બેઠકો જીતવી જરૂરી છે
આપને જણાવી દઇએ કે કોઈ પણ રાજ્યમાં સરકાર રચવા માટે, પક્ષને બંધારણીય જોગવાઈઓ મુજબ વિધાનસભાની કુલ ક્ષમતા કરતા એક બેઠકનો અડધો ભાગ લાવવો જરૂરી છે.
आदरणीय अध्यक्षा सोनिया गांधी जी एवं राहुल गांधी जी का आभार व्यक्त करता हूँ। लोकतंत्र एवं संविधान के बचाव के लिए कांग्रेस पार्टी लड़ती रहेगी। गुजरात के विभिन्न मुद्दों को महत्व दिया जाएगा और 2022 के गुजरात विधानसभा चुनाव में 2/3 बहुमत के साथ कांग्रेस सरकार बनायेंगी।