અભિનંદન / અમેરિકામાં કોરોનાની પહેલી વેક્સીન આ વ્યક્તિને અપાઈ, ટ્રમ્પે ટ્વિટ કરીને પાઠવ્યા અભિનંદન

• અમેરિકામાં સોમવારથી શરૂ થયું કોરોના વેક્સીનેશન
• એક નર્સને અપાઈ કોરોનાની પહેલી વેક્સીન
• ટીવી પર લાઈવ કરાયો વેક્સીનેશનનો કાર્યક્રમ
   

ટ્રમ્પે પોતાના ટ્વિટર હેન્ડલ પર વેક્સીનનેશનને લઈને ટ્વિટ કરતાં લખ્યું કે મુબારક હો અમેરિકા, પહેલી વેક્સીનનો ડોઝ અપાયો છે. આખી દુનિયાને અભિનંદન.

First Vaccine Administered. Congratulations USA! Congratulations WORLD!

— Donald J. Trump (@realDonaldTrump) December 14, 2020

વેક્સીન લીધા બાદ નર્સે કહી આ વાત
કોરોના વેક્સીન લીધા બાદ નર્સે કહ્યું કે હું રાહત અને આશાવાન હોવાનો અનુભવ કરું છું. આ મુદ્દે રાષ્ટ્રપતિ ડોનાલ્ડ ટ્રમ્પે ટ્વિટ કરીને અભિનંદન પાઠવ્યા હતા.  
 

કોરોનાની વેક્સીન પહેલાં સ્થિતિ વણસે તેવા આસાર

મિશિગનથી ફાઈઝરના નિર્માણથી કોરોના વેક્સીનનો પહેલો સ્લોટ ટ્રકમાં રવાના કરાયો છે. આ સાથે નક્કી 636 સ્થળોએ વેક્સીન પહોંચશે અને તેના ઈમરજન્સી ઉપયોગની મંજૂરી પણ શુક્રવારે મળી ચૂકી હતી. અમેરિકામાં વેક્સીન એવા સમયે આવી છે જ્યારે સંક્રમણના કારણે હોસ્પિટલમાં દર્દીની સંખ્યા વધી રહી છે. શિયાળાની રજાઓ બાકી છે એવામાં વિશેષજ્ઞોને મોટી આબાદીને વેક્સીન લગાવતાં પહેલાં સ્થિતિ વણસે તેવા આસાર પણ છે.  
 

દુનિયાના સૌથી પ્રભાવિત દેશોમાં મોખરે છે અમેરિકા

કોરોના વાયરસથી સૌથી વધુ પ્રભાવિત થનારા દેશોમાં અમેરિકા સૌથી મોખરે છે. કોરોના મહામારીની ઝપેટમાં આવવાના કારણે લાખો લોકોના મોત થયા છે. અમેરિકાની સરકારે તેનાથી બચવા માટે મોટા પાયે વેક્સીનેશનની શરૂઆત કરી છે. વેક્સીનના વિતરણ સાથે જોડાયેલા 2 અધિકારીઓએ કહ્યું છે કે જે કર્મચારીઓ રાષ્ટ્રપતિ ટ્રમ્પની સાથએ કામ કરે છે તેમને જલ્દી જ કોરોના વાયરસની વેક્સીન અપાશે. એ પણ એવા સમયમાં જ્યારે વેક્સીનનો પહેલો ડોઝ સૌથી વધારે જોખમવાળા સ્વાસ્થ્ય કર્મીઓને વિતરિત કરવાની યોજના છે.