નિર્ણય / વેટ ઘટાડાની હોડ! આ રાજ્યમાં પેટ્રોલ 10 અને ડીઝલ 5 રુપિયા સસ્તું, ગુજરાતમાં ફરી ઘટવાની સંભાવના, જાણો કારણ

• વેટ ઘટાડવાની રાજ્ય સરકારોમાં લાગી હોડ
• પંજાબ પણ ઘટાટ્યા વેટના રેટ
• પેટ્રોલ 10 અને ડીઝલ 5 રુપિયા સસ્તું
• ગુજરાતમાં બીજા ઘટાડાની સંભાવના 

પંજાબ સરકારે પેટ્રોલ ડીઝલ પરના વેટમાં ઘટાડો કરતા રાજ્યમાં હવે પેટ્રોલ 10 રુપિયા અને ડીઝલ 5 રુપિયા સસ્તું થયું છે. આજે રાતથી નવા ભાવ લાગુ પડી જશે.

We have decided to decrease petrol and diesel prices by Rs 10 per litre and Rs 5 per litre, respectively, to be effective from midnight today: Punjab CM Charanjit Singh Channi pic.twitter.com/Q3PP1scPeo

— ANI (@ANI) November 7, 2021

પંજાબના મુખ્યમંત્રી ચરણજીત ચન્નીએ જણાવ્યું કે પંજાબમાં 20 વર્ષમાં પહેલી વાર પેટ્રોલ અને ડીઝલના વેટમાં ઐતિહાસિક ઘટાડો કરવામાં આવ્યો છે. પંજાબમાં આજે અડધી રાતથી પેટ્રોલમાં 10 રુપિયા અને ડીઝલમાં 5 રુપિયા ઘટાડો આવી જશે. વાહન ઈંધણ રેટ ઘટાડવા માટે પંજાબ સરકારે ડીઝલ પર લાગનાર વેટ 9.92 ટકા અને પેટ્રોલ પરના વેટમાં 13.77 ટકાનો ઘટાડો કરી દીધો છે.

ગુજરાતમાં પણ વેટ ઘટાડાયા, પેટ્રોલ-ડીઝલ 7-7 રુપિયા સસ્તું 
કેન્દ્રની જાહેરાત બાદ ગુજરાતે પણ વેટના દરમાં ઘટાડો કરતા પેટ્રોલ અને ડીઝલ સાત-સાત રુપિયા સસ્તું થયું છે. સૂત્રોના જણાવ્યાનુસાર, ગુજરાતમાં હજુ પણ પેટ્રોલ અને ડીઝલના ભાવમાં ઘટાડો આવી શકે છે. સૂત્રોએ જણાવ્યું કે ગુજરાતમાં બીજી વાર પેટ્રોલ અને ડીઝલના ભાવમાં ઘટાડો આવી શકે છે બીજી વારના ઘટાડમાં પેટ્રોલ અને ડીઝલ 2-3 રુપિયા સસ્તું થવાની ધારણા છે.