અગ્નિપથ યોજનાને પાછી ખેંચવાની માગ સાથે ઉગ્ર દેખાવ કરી રહેલા યુવાનોના સમર્થનમાં કોંગ્રેસ અધ્યક્ષ સોનિયા ગાંધીએ એક લેટર લખ્યો છે.
અગ્નિપથ યોજનાને લઈને સમગ્ર દેશમાં આક્રોશ
યુવાનોની સાથે સાથે વિપક્ષે પણ સરકાર પર તાક્યું નિશાન
હવે સોનિયા ગાંધી યુવાનોને આવ્યાં સમર્થનમાં
હોસ્પિટલમાં યુવાનોને નામે લખ્યો પત્ર
કહ્યું કે શાંતિપૂર્ણ રીતે પ્રદર્શન કરો, કોંગ્રેસ તમારી સાથે છે
અગ્નિપથ યોજનાને લઈને સમગ્ર દેશમાં આક્રોશ છે. એક તરફ જ્યાં પ્રદર્શનકારીઓ દેશના અલગ અલગ ભાગોમાં વિરોધ પ્રદર્શન કરી રહ્યા છે. સાથે જ ભરતી પ્રક્રિયામાં ફેરફારને લઈને વિપક્ષ પણ કેન્દ્ર પર નિશાન સાધી રહ્યું છે. આ ક્રમમાં કોંગ્રેસ અધ્યક્ષા સોનિયા ગાંધીએ હોસ્પિટલમાંથી દેશના યુવાઓને એક પત્ર જાહેર કર્યો છે.
'Agnipath' protests: Cong prez Sonia Gandhi appeals to youths to adopt peaceful, non-violent means to fight for their demands
અહિંસક અને શાંતિપૂર્ણ દેખાવ કરો, કોંગ્રેસ તમારી સાથે-સોનિયા
તેમણે દેશના યુવાઓને સંબોધિત કરતા કહ્યું કે, મને દુખ છે કે સરકારે તમારા અવાજની અવગણના કરી અને એક નવી યોજનાની જાહેરાત કરી જે સંપૂર્ણ દિશાહીન છે. હું આપ સૌને અપીલ કરું છું કે વિરોધ કરો પરંતુ અહિંસક અને શાંતિપૂર્ણ રીતે. ભારતીય રાષ્ટ્રીય કોંગ્રેસ તમારી સાથે છે.
યુવાનો પ્રત્યે સંપૂર્ણ સહાનુભૂતિ
તેમણે એક પત્ર પણ શેર કર્યો હતો જેમાં લખ્યું હતું, "તમે ભારતીય સેનામાં જોડાવાની અને દેશની સેવા કરવાનું મહત્વપૂર્ણ કાર્ય કરવાની ઇચ્છા રાખો છો. સેનામાં લાખોની સંખ્યામાં પદ હોવા છતાં છેલ્લા ત્રણ વર્ષથી સેનામાં ભરતી ન થવાનું દર્દ હું સમજી શકું છું. એરફોર્સમાં ભરતી પરીક્ષાના પરિણામ અને નિમણૂકની રાહ જોઈ રહેલા યુવાનો પ્રત્યે મને સંપૂર્ણ સહાનુભૂતિ છે.
Cong president Sonia Gandhi terms 'Agnipath' scheme "directionless", says unfortunate that govt has 'ignored' voice of youths
આર્મી ભરતી યોજના સંપૂર્ણપણે દિશાવિહીન
સોનિયા ગાંધીએ કહ્યું કે નવી આર્મી ભરતી યોજનાની જાહેરાત સંપૂર્ણપણે દિશાવિહીન છે. સોનિયાએ લેટરમાં લખ્યું કે તમારી સાથે ઘણા પૂર્વ સૈનિકો અને સંરક્ષણ નિષ્ણાતોએ પણ આ અંગે સવાલ ઉઠાવ્યા છે. ભારતીય રાષ્ટ્રીય કોંગ્રેસ નિશ્ચિતપણે તમારી સાથે છે અને આ યોજનાને પાછી મેળવવા અને તમારા હિતોનું રક્ષણ કરવાનું વચન આપે છે. અમે એક સાચા દેશભક્તની જેમ અહિંસા, સંયમ અને શાંતિના માર્ગે ચાલીશું અને સરકાર સમક્ષ અવાજ ઉઠાવીશું. હું તમને વિનંતી કરું છું કે તમારી કાયદેસરની માંગણીઓ માટે શાંતિપૂર્ણ અને અહિંસક આંદોલન કરો. ભારતીય રાષ્ટ્રીય કોંગ્રેસ તમારી સાથે છે.