ઓસ્ટ્રેલિયાના પ્રધાનમંત્રી સ્કોટ મોરિસને ભારતના પીએમ મોદીને ફોન કરી વાત કરી અને તેમની મદદ માંગી. જાણો શું છે મુદ્દો.
ઓસ્ટ્રેલિયાના પ્રધાનમંત્રીએ પીએમ મોદીને ફોન કરી વાત
ઓસ્ટ્રેલિયાએ ભારતની મદદ માંગી
અમે મોટી ટેક કંપનીઓની ધમકીઓથી ડરવાના નથી.
ઓસ્ટ્રેલિયાના પ્રધાનમંત્રીએ પીએમ મોદીને ફોન કરી વાત
ન્યૂઝ પ્રસારણ માટે અમેરિકન બહુરાષ્ટ્રીય કંપની ફેસબુક ઈંક અને ઓસ્ટ્રેલિયામાં ન્યૂઝ અને ઈમરજન્સી સેવાઓની પોસ્ટને બેન કરી દીધી. જે બાદ ઓસ્ટ્રેલિયાના પ્રધાનમંત્રી સ્કોટ મોરિસને ભારતના પીએમ મોદીને ફોન કરી વાત કરી અને તેમની મદદ માંગી છે.
અમે મોટી ટેક કંપનીઓની ધમકીઓથી ડરવાના નથી
ધ સિડની મોર્નિગ હેરાલ્ડ અનુસાર ઓસ્ટ્રેલિયાના પ્રધાનમંત્રી સ્કોટ મોરિસને ગુરુવારે પીએમ મોદી સાથે ફોન પર વાત કરી છે. મોરિસને કહ્યુ કે તે દુનિયાને બદલી રહ્યા છે. પરંતુ એનો મતલબ એ નથી કે તે દુનિયાને ચલાવી રહ્યા છે. અમે મોટી ટેક કંપનીઓની ધમકીઓથી ડરવાના નથી. તે આમારી સંસદ પર દબાણ વધારવાનો પ્રયાસ કરી રહ્યા છે. કેમ કે અમે મહત્વપૂર્ણ ન્યૂઝ મીડિયા બારગેનિંગ કોર્ડ પર વોટિંગ કરી રહ્યા છે.
શું છે સમગ્ર મામલો
ફેસબુક પર ન્યૂઝ સાઈડ્સની પોસ્ટને લઈને ઓસ્ટ્રેલિયા સરકાર અને ફેસબુકની વચ્ચે ઘણા સમયથી વિવાદ ચાલી રહ્યો છે. હાલમાં ફેસબુકે ઘણા અપ્રત્યાસિ પગલા ભરતા ઓસ્ટ્રેલિયન સરકારના એક કાયદાના વિરોધમાં ત્યાના ન્યૂઝ, હેલ્થ અને ઈમરજન્સી સેવાઓની પોસ્ટ પર પ્રતિબંધ લગાવી દીધો છે. આ માટે ફેસબુકની ટીકા થઈ રહી છે. ફેસબુકે ઓસ્ટ્રેલિયાના તમામ યુઝર્સ અને મીડિયા, પબ્લિશર્સ માટે ન્યૂઝ કન્ટેન્ટ શેર રિંગ પર પ્રતિબંધ લગાવી દીધો છે. એટલું જ નહીં અનેક ઈમરજન્સી સેવાઓની પોસ્ટને પણ હટાવી દીધી છે.
પીએમ મોદી સાથે કરી વાત
ઓસ્ટ્રેલિયાના પ્રધાનમંત્રી સ્કોટ મોરિસને ફેસબુકના પગલાની વિરુદ્ધ દુનિયાના નેતાઓનું સમર્થન મેળવવાનો પ્રયાસ શરુ કર્યો છે. જે અંતર્ગત પીએમ મોદી સાથે ફોન પર વાત કરી. તેમનું કહેવું છે કે ફેસબુકે ચૂંટાયેલી સરકારોને આ રીતે ધમકાવવાનું બંધ કરવું પડશે. તેમણે ઓસ્ટ્રેલિયામાં સમાચારોની લિંક પોસ્ટ કરવા પર ફેસબુક દ્વારા લગાવવામાં આવેલા પ્રતિબંધનો મુદ્દો પીએમ મોદી સામે ઉઠાવ્યો છે.
ઓસ્ટ્રેલિયન સરકારનું કહેવું છે કે ફેસબુકને ત્યાંના કોઈ કાયદા સામે વાંધો હતો તો તેના પર તેના ચીફ માર્ક જુકરબર્ગે વાત કરવી જોઈતી હતી. નહીં કે અચાનક લાખો ગ્રાહકો માટે જરુરી કન્ટેન્ટ પર પ્રતિબંધ લગાવવો જોઈએ. ઓસ્ટ્રેલિયન સરકાર આના પર કાયદાકીય લડાઈ લડવા તૈયાર છે.