અરજી / કોરોના મુદ્દે હાઈકોર્ટની બૅન્ચ બદલાતા વકીલો સહિત 44 નાગરિકોએ પત્ર લખી અસંતોષ વ્યક્ત કર્યો

તેમણે લખ્યું હતું કે રાજ્યમાં કોરોના મુદ્દે સરકાર સામે થયેલી PIL અને સૂઓ મોટોની સુનાવણી કરતી હાઈકોર્ટની બેન્ચમાં ન્યાયાધીશોના ફેરફાર સામે અમે નારાજગી વ્યક્ત કરીએ છીએ. અમે જાણીએ છીએ કે બેન્ચમાં ફેરફાર કરવા માટે તમારી પાસે સત્તાઓ રહેલી છે પરંતુ અમને લાગે છે કે આમ કરવાથી સુનાવણીની એકસૂત્રતા ખોરવાઈ જશે અને નામદાર અદાલત સરકારને જે દિશામાં સૂચિત કરવા માંગે છે તેમાં ભંગ પડી શકે છે. 

ચીફ જસ્ટિસને તેમના નિર્ણય ઉપર ફરીથી વિચારણા કરવા વિનંતી

44 લોકો દ્વારા સહી કરાયેલા આ પત્રમાં ચીફ જસ્ટિસને તેમના નિર્ણય ઉપર ફરીથી વિચારણા કરવાની વિનંતી કરી હતી અને કહ્યું હતું કે સુનાવણીની એકસૂત્રતા અને અસરકારકતા માટે જ્યાં સુધી આ મામલે સુનાવણી જ્યાં સુધી ચાલુ રહે ત્યાં સુધી જસ્ટિસ પારડીવાળા અને જસ્ટિસ ઈલેશ વોરાએ બેન્ચ સાંભળવી જોઈએ. આમ થવાથી કેસની અત્યાર સુધીની સુનાવણી એક તાંતણે બંધાયેલી રહેશે અને સરકારને નિશ્ચિત આદેશો આપવામાં મદદ મળશે. 

આ નાગરિકોએ કરી સહી

આ પત્રમાં એડવોકેટ શમશાદ પઠાણ, એડવોકેટ આનંદ યાજ્ઞિક, હોઝેફા ઉજ્જૈની, પ્રોફ ઘનશ્યામ શાહ, હિરેન ગાંધી, પ્રોફ સ્વાતિ જોશી, ડો સરૂપ ધ્રુવ, વકાર કાઝી મહોમ્મ્દ, શરીફ મલેક, ગોવા રાઠોડ, રોહિત પ્રજાપતિ, પ્રોફ નેહા શાહ, કબીર ઠાકોર, માનસી શાહ, શૌકત ઇન્દોરી, રૂપા ચિનાઈ, દેવ દેસાઈ, જય શેરી, એડવોકેટ અભિષેક ખંડેલવાલ, ભાવેશ બારીયા, ધરમ હડવાની, ચિરાગ તડવી, માણેકશા વર્ઘેસે, હિમાંશુ શર્મા, નીતા મહાદેવ, મુદિતા વિદ્રોહી, એડવોકેટ પ્રતીક રૂપાલા, વસિફ હુસેન, પ્રોફ હેમંત શાહ, ઈકરમ બેગ મિર્ઝા, પ્રસાદ ચાકો, અશોક ચેટર્જી, પ્રોફ અંકુર સરિન, પ્રોફ રઘુ રંગારાજન, પ્રોફ સાર્થક બાગચી, ભાવના રામખિયાની, અઝિમા ગિરાચ, નિર્જરી સિંહા, એડવોકેટ સોફિયા ખાન, રફી મલેક વગેરે જેવા નાગરિકોએ સહી કરી છે.